میرا ایک شخص کے ذمہ پانچ لاکھ روپے دین ہے۔وہ مقررہ مدت مکمل ہونے کے باوجود ادا نہیں کر رہا۔میں نے اس سے کہا کہ تمہارے ذمہ جو میرا قرض ہے تم اسے مضاربت میں لگا دو جو نفع ہوگا وہ ہمارے درمیان آدھا آدھا ہوگا۔کیا میرا اس طرح معاملہ کرنا درست ہے؟
اَلجَوَابْ بِاسْمِ مُلْہِمِ الصَّوَابْ
عقد مضاربت میں راس المال کا نقد ہونا ضروری ہے،اس لیے عقد مضاربت کی مسؤلہ صورت شرعاً درست نہیں ہے،کیوں کہ اس عقد مضاربت میں مال نقد نہیں بلکہ پہلے سے قرض اور دین ہے۔
حوالہ جات
الدر المختار وحاشية ابن عابدين (رد المحتار) (5/ 647)
(شرطها) أمور سبعة (كون رأس المال من الأثمان) كما مر في الشركة وهو معلوم للعاقدين (وكفت فيه الإشارة) والقول في قدره وصفته للمضارب بيمينه، والبينة للمالك.وأما المضاربة بدين فإن على المضارب لم يجز، وإن على ثالث جاز…
