سوال

 جورقم تکافل  کے لئے جمع ہوتی ہے تواس پرزکات ہے یانہیں؟

اَلجَوَابْ بِاسْمِ مُلْہِمِ الصَّوَابْ

تکافل سے رقم ملنے کی صورت میں زکوۃ کی تاریخ کو جتنی رقم موجود ہو، اس ساری رقم کو زکوۃ کے حساب میں شمار کیا جائے گا، البتہ اگر زکوۃ کے حساب کی تاریخ آجائے اور رقم ابھی تک نہ ملی ہو، تو ایسی صورت میں وہ رقم جو انویسٹمنٹ فنڈ میں رکھی گئی ہے اور اس پر جو نفع ہوا ہے، (ان دونوں کی تفصیل تکافل کمپنی سے معلوم کی جاسکتی ہے) اس کو زکوۃ کے حساب میں شمار کیا جائے گا، جبکہ وہ رقم جو وقف پول میں گئی ہے، اس کو زکوۃ میں شمار نہیں کیا جائے گا۔

حوالہ جات

المبسوط لشمس الدين السرسخي (ج 13 / ص 408):

وأما مال المضاربة فعلى رب المال زكاة رأس المال وحصته من الربح۔

محمد اویس

دارالافتاء جامعة الرشید کراچی

   ۵/رجب ۱۴۴۴ ھ

واللہ سبحانہ وتعالی اعلم