سوال

میں ایک  گورنمنٹ  اسکول  کی  پرنسپل  ہوں  ،ہمارے  ادارے میں    مستحق طلبہ  کے  لئے  گورنمنٹ  سے  کچھ  رقم آٹی تھی ،   جوکہ وقت پر  طلبہ  کو پہنچا دی گئی ،  مگر دوطلبہ  رقم وصولی کے لئے نہ آسکے،اب ان سے رابطہ ممکن نہیں ، رابطہ کی پوری کوشش  کے بعد   بھی رابطہ نہ ہوسکا ،کیونکہ  وہ گلگت  کے گاؤں   دیہات میں  رہتے  ہیں ، اب تک  ان کی امانت میرے  پاس ہے کافی مدت ہوچکی ہے ، اگر یہ رقم ادارے  کو  واپس کی جائے  تو امکان ہے کہ  وہ خود  استعمال کرلیں گے، تو سوال  یہ ہے  کہ کیا یہ رقم  دیگر مستحق لوگوں کو دیجاسکتی ہے؟

اَلجَوَابْ بِاسْمِ مُلْہِمِ الصَّوَابْ

اگر گلگت  کے ہی  بچے ہیں  تو  گلگت  کے ذرائع  ابلا غ   میں    تشہیر   کرنا  ضروری  ہے ،،وہاں   کے ااخبارات   اور  ریڈیو   وغیرہ  میں  اس کا اشتہار چلایا جائے ، اس  کے بعد   بھی   اگر رابطہ  نہ ہوسکے  تو ان کی   طرف  سے  صدقہ کردیں ، لیکن یاد  رہے  کہ صدقہ  کرنے کے بعد  اگر کسی وقت  وہ  طلبہ آکر  اپنی  رقم  کا مطالبہ کریں تو اس صورت میں  یا   تو  یا  ان سے معاف  کروانا  ہو گا  کہ صدقہ  کرنے  پر راضی  ہوجائیں یاپھر ان کو رقم ادا  کرنا آپ  کے ذمے  لازم ہوگا ۔اور  صد  قہ  کا  اجر وثواب   آپ کو  ملے گا۔

حوالہ جات

البحر الرائق شرح كنز الدقائق ومنحة الخالق وتكملة الطوري (5/ 166)

وفي المجتبى والتصدق بيده في زماننا أولى من الدفع إلى الحاكم وقد مر في كتاب التوبة لقاضي القضاة عبد الجبار المتكلم أن الواجب فيها أن يتصدق بنفسه ولا يلقيه في يد غيره لأنه لا يعلم هل يؤديها إلى مستحقها أو لا اهـ.لی قولہ ۰۰۰۰(قوله فإن جاء ربها نفذه أو ضمن الملتقط) أي إن جاء مالكها بعد تصدق الملتقط خير بين إمضاء الصدقة والثواب له وبين تضمين الملتقط لأن التصدق وإن حصل بإذن الشرع لم يحصل بإذنه فيتوقف على إجازته أطلق في التنفيذ فشمل ما بعد هلاك العين لأن الملك يثبت للفقير قبل الإجارة فلا يتوقف على قيام المحل 

  احسان اللہ شائق عفا اللہ عنہ    

دارالافتاء جامعة الرشید     کراچی

١۸ جمادی  الاولی     ١۴۴۵ھ

واللہ سبحانہ وتعالی اعلم