حج کے تين فرائض:
1:۔اِحرام 2:۔وقوف ِ عرفہ 3:۔طوافِ زِيارت۔۔ (ردالمحتار: ۳/ ۵۳۶)
حج کے چھ واجبات:
1:۔ وقوف ِمزدَلفہ 2:۔ شيطان کو کنکرياں مارنا 3:۔حج کی قربانی 4:۔حلق يا قصر
5:۔صفا مروه کی سعی 6:۔ طواف ِوداع۔۔(غنية الناسک: صـ ۴۵)
حج کی اقسام:
1:۔اِفراد : صرف حج
2:۔تمتع: حج کے مہينوں ميں حج و عمره دونوں، ليکن الگ الگ اِحرام ميں
3:۔ قران : حج و عمره دونوں اکٹھے ايک ہی اِحرام ميں۔۔۔(بدائع الصنائع: ۳/۱۶۸۔۱۷۰)
حج کے مہینے:
شوال، ذِي القعده، ذِي الحجه کے پہلے دس دِن۔(ردالمحتار: ۳/ ۵۴۳)
حج کے پانچ دِن:
(الف) 8 ذِي الحجه (يومِ ترويه)
(ب) 9 ذِي الحجه (يومِ عرفه)
(ج،د،ھ) ۱۰ ۔۱۱۔ ۱۲ ذی الحجہ (اَيامِ نحر/اَيامِ اُضحیہ يعني بقرعيد کے تين دِن)
طواف کی اَقسام:
1:۔طواف ِقدوم: آمد کا طواف (سنت)
2:۔طوافِ زِيارت: مرکزی طواف (فرض)
3:۔طواف ِوداع: واپسی کا طواف (واجب)
وقوف کی اَقسام:
1:۔وقوفِ عرفہ: رُکن اعظم(فرض)
2:۔وقوفِ مزدَلفہ: (واجب)
عمره و حج ميں ممنوع کام:
1:۔ناخن تراشنا 2:.بال منڈوانا يا کتروانا
3:۔خوشبو لگانا 4:۔مرد کو سلے هوئے کپڑے پہننا
5:۔مرد کو موزے يا اَيسي چپل پهننا جس سے پير کے بيچ ميں ابھري ہوئی ہڈی چھپ جائے۔
6:۔سر يا چہره ڈھانپنا 7:۔شہوت کا کوئی کام يا بات کرنا
8:۔خشکی کا جانور شکار کرنا 9:۔واجبات حج ميں سے کسی واجب کو چھوڑنا
حج کی مسنون دُعائيں
تلبیہ :
’’لَبَّيْکَ اَللّٰھُمَّ لَبَّيْکَ، لَبَّيْکَ لاَ شَرِيْکَ لَکَ لَبَّيْکَ، اِنَّ الْحَمْدَ وَالنِّعمَةَ لَکَ وَالْمُلْکَ، لاَ شَرِيْکَ لَکَ۔‘‘
ترجمه:
’’حاضر ہوں اے ﷲ! ميں حاضر ہوں، آپ کا کوئی شريک نہيں، ميں حاضر ہوں، بلاشبہ تمام تعريفيں اَور سب نعمتيں آپ ہی کے لئے ہيں اوربادشاہت بھی آپ ہی کی ہے۔ آپ کا کوئی شريک نہيں ہے۔‘‘
حجرِاَسود کے اِستلام کے وَقت:
’’بِسْمِ ﷲِ اَللّٰهُ أَکْبَرُ، أَشْھَدُ أَنْ لاَّ إِلٰهَ إِلاَّ اَللّٰهُ وَحْدَهٗ لَا شَرِيْکَ لَهٗ، وَأَشْھَدُ أَنَّ مُحَمَّداً عَبْدُهٗ وَرَسُوْلهٗ۔‘‘۔(الترغيب والترهيب: ۲/ ۱۲۴)
’’اَللّٰهُمَّ إِيْمَانًابِکَ، وَ تَصْدِيْقًا بِکِتِابِکَ، وَاتِّبَاعَ سُنَّةِ نَبِيِّکَ صَلَّي ﷲُ عَلَيْهِ وَسَلَّم۔‘‘ ۔(الدعاء للطبراني: صـ ۲۶۸)
ترجمه: ’’اے الله ! آپ پر ايمان کي وجہ سے اور آپ کي کتاب کو سچ ماننے کي بناء پر اور آپ کے پيغمبر ﷺکی سنت کی اِتباع ميں اِس حجرِ اَسود کا اِستلام کرتا ہوں۔‘‘
اگر يہ دعا ياد نہ ہو يا ہجوم سے پوری کرنا مشکل ہو تو صرف ’’بسم الله الله اکبر‘‘ کہہ دينا کافی ہے۔ (غنية: صـ: ۱۰۲)
طواف کے دَوران:
’’سُبْحَانَ ﷲِ، وَالْحَمْدُلِلّٰهِ، وَلَآ إِلٰهَ إِلاَّ اللہُ، وَاللہُ أَکْبَرْ، وَلاَحَوْلَ وَلاَ قُوَةَ إِلاَّ بِاللہِ۔‘‘(رواه ابن ماجہ، المشکوة: صـ ۲۲۸، الترغيب: ۲/ ۱۲۳)
رُکن يمانی پر:
’’اَللّٰهُمَّ اِنِّيْ أَسأَلُکَ اْلعَفْوَ وَاْلعَافِيَةَ فِي الدُّنْيَا وَاْلاٰخِرَةِ۔‘‘(رواه ابن ماجه، المشکوٰة: صـ ۲۲۸، الترغيب: ۲/ ۱۲۳)
ترجمه: ’’اے الله ! ميں آپ سے معافی اور دنيا و آخرت ميں سلامتی کی زندگی چاہتا ہوں۔‘‘
رُکن يمانی اَور حجرِاَسود کے درميان:
رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ۔(سورۃ البقرۃ: ۲۰۱) (رواه ابو داؤد، المشکوٰة: ۲۲۷)
ترجمه: ’’اے الله ! ہميں دنيا ميں بھلائی دے اور آخرت ميں بھلائی دے اور دوزخ کے عذاب سے بچا۔‘‘
سعی کے دَوران:
’’رَبِّ اغْفِرْ وَارْحَمْ، وإِنَّکَ أَنْتَ الْأَعَزُّالْأَکْرَمُ۔‘‘ (مصنف ابن ابي شيبہ: ۱/ ۱۳۷۱)
ترجمه: ’’اے الله ! ہماری مغفرت فرما اور ہمارے اوپر رحم فرما، آپ ہي اکیلے غالب اور کريم ذات ہيں۔‘‘
زَمزم پيتے وَقت:
’’اَللّٰھُمَّ إِنِّيْ أَسْأَلُکَ عِلْمًا نَافِعًا، وَّرِزْقًا وَاسِعًا، وَّشِفَائً مّنْ کُلِّ دَائٍ۔‘‘ (رواه الدارقطني والحاکم، الترغيب: ۲/ ۳۶۱)
ترجمه: ’’اے الله ! ميں آپ سے علم نافع، رزق کی فراخی، اور ہر مرض سے شفاء مانگتا ہوں۔‘‘
شيطان کو کنکري مارتے وَقت:
’’بِسْمِ اللّٰهِ اَللّٰهُ أَکْبَرُ۔‘‘۔ (مناسک ملا علي قاري: صـ ۲۴۲)
ايک جامع دُعاء:
جن عوام کو منقول دُعائيں عربي ميں ياد نہ ہوں ان کے ليے ذيل ميں ايک جامع دُعاء لکھی جاتی ہے جو قبوليت ِدُعاء کے مختلف مواقع ميں مانگی جاسکتی ہے:
’’يا الٰہ العالمين! اس موقع پر سرکارِ دوعالمﷺاَور آپ کے نيک بندوں نے جو بھلائياں مانگی ہيں،وه سب مجھے عطا فرما اَور جن جن چيزوں سے پناه مانگی ہے، ان سب سے مجھے اپني پناه عطا فرما! آمين۔‘‘
کسي جگہ يوں بھي دُعاء کريں:
’’اے ﷲ !يہاں پر آج تک جتنی دعائيں آپ کے انبياء کرام عليهم السلام نے اور سرکارِدوعالمﷺاَور آپ کے دوسرے مقبول بندوں نے مانگی ہيں يا سکھائی ہيں وه سب دُعائيں ميري طرف سے قبول فرما! آمين۔‘‘
اورکسي جگہ یہ دعاء بھي مانگيں:
’’اے ﷲ! ہميں اپني رضا اور جنت عطا فرمااور اپني ناراضگی اور دوزخ سے پناه عطا فرما! آمين‘‘
مفتی محمد
دارالافتاء جامعۃ الرشید کراچی