021-36880325,0321-2560445

بِسْمِ اللَّـهِ الرَّحْمَـٰنِ الرَّحِيمِ

ask@almuftionline.com
AlmuftiName
فَسْئَلُوْٓا اَہْلَ الذِّکْرِ اِنْ کُنْتُمْ لاَ تَعْلَمُوْنَ
ALmufti12
ہمارے بارے میں

دارالافتاء جامعۃ الرشید

’’دارالافتاء ‘‘جامعۃ الرشید کےشعبوں میں سے ایک اہم شعبہ ہے جو لوگوں کو ایمانیات،عبادات،معاشرت،خانگی وکاروباری معاملات اور اخلاقیات سے متعلق شرعی رہنمائی بھر پور انداز میں پیش کررہا ہے۔دارالافتاء جامعۃ الرشید ہمیشہ سے لوگوں کی دلچسپی کا مرکز رہا ہے اور اسے عوام و خواص میں احترام اور اعتماد کا مقام حاصل ہے۔ جدید مواصلات کے اس دور میں یہ ادارہIT کے شعبے میں بھی پیچھے نہیں ہے چنانچہ اب جامعۃ الرشید’’ عمومی فتاویٰ، مالی امور سے متعلق شرعی راہنمائی اور آن لائن تعلیمی کورسزپڑھانے‘‘ کی خدمات کا آغاز کررہا ہے جس میں کسی بھی وقت زندگی کے تمام شعبوں سے متعلق استفادہ کیا جا سکتا ہے۔ یہ خدمات کال سینٹر،ای۔میل اور میسیج وغیرہ کے ذریعے حاصل کی جاسکتی ہیں۔اس کے ساتھ ساتھ مختلف قرآنی کورسز کی سہولت بھی فراہم کی جارہی ہے۔ مفت فون سروس کے ذریعے بھی مفتیانِ کرام سے تفصیلی معلومات حاصل کی جا سکتی ہیں۔

فتویٰ کیاہے؟

فتویٰ ،شرعی رہنمائی حاصل کرنے والےکسی فرد کوشریعت [اللہ اور اس کے رسول صلی اللہ علیہ وسلم ] کا حکم بتانے کا نام ہے ، اس طرح کی شرعی رہنمائی فراہم کرنے والے کو عرف عا م میں مفتی کے نام سے جانا جاتاہے ، مفتی کسی بھی پیش آمدہ صورت حال سے متعلق اللہ اور اس کے رسول ﷺ کی نیابت میں اللہ اور اس کے رسول ﷺ کا منشأ بیان کرنے کی کوشش کرتاہے ، لہذا اس نیابت اور ترجمانی کی عظمت کی بناء پر مفتی پربہت بڑی ذمہ داری عائد ہوتی ہے ، اس ذمہ داری سے عہدہ برآ ہونے کے لئےمفتی کو اکتسابی صلاحیتوں کے علاوہ ، تقوی اور للہیت کی بھی اشد ضرورت ہوتی ہے ، ورنہ یہ قوی اندیشہ رہتاہے کہ [خدانخواستہ ]وہ اپنی اور دوسروں کی گمراہی کاذریعہ بن جائے۔

فتویٰ کا دائرہ کار

فتویٰ انسانی زندگی کے کسی ایک پہلو کے ساتھ خاص نہیں ہوتا ، بلکہ انسان کی زندگی کے ہر مرحلےسے ایک نگران اورمصلح کا تعلق رکھتاہے ، انسان کے عقائد و نظریات ہوں ، اس کی ذاتی زندگی کے نجی پہلو ہوں ، اس کی خاندانی زندگی کے مختلف مراحل ہوں ، اس کی معاشرتی زندگی کے مختلف مظاہر ہوں ، اس کی معاشی زندگی کی گوناگوں سرگرمیاں ہوں ، اس کی زندگی کے قانونی پہلوہوں ، یا اس کی اخلاقی قدریں ہوں ، حتی کہ ملک چلانے کے اصول اور بین الاقوامی تعلقات کے نشیب وفراز، صلح اور جنگ سے متعلق ہدایات بھی فتویٰ کے حدود سے باہر نہیں۔ اسلامی تاریخ کے تناظر میں ان سب میدانوں میں فتویٰ کا قوی عمل دخل رہاہے اور مستقبل میں بھی انسانیت کی پر امن اور مبنی بر انصاف بقاء کے لیے شریعت کی رہنمائی کا یہ سلسلہ ضروری امر ہے۔

فتوی اور مفتی کی ضرورت

شرعی احکام کے لیے کسی ماہر مفتی کا فتوی ہی کیوں ضروری ہے؟ کیوں کہ شریعت اللہ تعالی کے نازل کردہ اورپیغمبرِاسلام صلی اللہ علیہ وسلم کے بیان کردہ نظامِ ہدایت کا نام ہے۔اللہ کا یہ نظام قرآن پاک کی صورت میں ایک متن کی حیثیت سے مسلمانوں کے پاس محفوظ ہے۔اس متن کے اصول وضوابط اور عملی طریقہ کار کی وضاحت حدیثِ رسول اللہ صلی اللہ علیہ وسلم میں موجود ہے،تاہم زندگی کے مختلف حوادث وواقعات اور مسائل و جزئیات پر اس متن کو اور اس کے اصول کو منطبق کرنے کا کام علماء کا ہے۔اور اس میں بھی خصوصی طور پر یہ کام مفتی کا ہےکہ وہ پیش آمد ہ واقعہ پر شریعت کے حکم کو کیسے منطبق کرے۔اسی طرح جس طرح ایک ملک کا آئین ہوتا ہے،وہ ایک طے شدہ ،لفظ بلفظ محفوظ متن ہوتا ہےمگر اس کی تشریحات اور واقعات (cases) پر اس کی تطبیق قانونی ماہرین کا کام ہے،جب تک قانونی ماہرین تشریح نہ کریں اس وقت تک کسی ملک کے آئین پر درست طور پر عمل کرنا آسان نہیں ہوتااگرچہ آئین میں کوئی سقم نہیں ہوتا،مگر اس کے استعمال میں غلطی کا امکان رہتا ہےاور اس غلطی سے ماہرین اور اس کام کے محققین ہی بچ سکتے ہیں،ہر خاص وعام کو قانون کی تشریح کی اجازت نہیں ہوتی۔مفتی کے فتوی کی ضرورت بھی اسی طرح ہےکہ وہ ایک ماہرِمعاشیات کی حیثیت سے مسائل وواقعات میں شریعت کے احکام کی تطبیق کرتا ہے۔یہ کام عام تعلیم یافتہ فرد یا وہ عالم جو فقہ وفتوی سے اختصاصی تعلق نہیں رکھتا،وہ نہیں کر سکتا، اگر کرے گا تو اس کے فیصلوں میں غلطی کا امکان زیادہ ہوگا۔اس لیے نظامِ شریعت میں فتوی کی ایک بنیادی اہمیت ہے۔

1+
قرآن
1+
حدیث
1+
اجماع امت
1+
مجتہدین کی آرا ء

زیر استعمال سافٹ وئیرز کا مختصر تعارف

 پاکستان میں تیار کردہ اپنی نوعیت کا منفرد سافٹ ویئر  جو صحاح ستہ کے مکمل متون اوراردو وانگلش تراجم پر مشتمل ہے۔

side-logo
 ترجمۃ القرآن والصحاح

 70 علوم  و موضوعات پر تین لاکھ سے زائد کتابیں

side-logo
المکتبۃ الشاملۃ

 یہ45 ضخیم جلدوں پر مشتمل فقہی انسائیکلو پیڈیاہے۔

side-logo
الموسوعۃ الفقہیۃ الکویتیۃ

میراث اور زکوۃ کے تمام مسائل حل کئے جاتے ہیں۔ 

side-logo
مواریث  اور زکوۃ

اس سافٹ ویئر کے ذریعے دنیا کے کسی ملک کے لئے(1)نمازوں کے اوقات کا  نقشہ تیار   کیا جا تا ہے(2)اوراس کے قبلہ کی سمت معلوم کی جا سکتی ہے(3) نیز کسی بھی مہینہ کے  چاند کی ولادت اور عمر کے بارے میں بھی اس سافٹ ویئر کے ذریعے معلومات حاصل کی جا سکتی ہیں (4) اسی طرح ہجری کیلنڈرکو شمسی، اور شمسی کیلنڈر کو ہجری کیلنڈر میں تبدیل کیا جا سکتا ہے۔

side-logo
منیار ٹ

 10 لاکھ احادیث مع 70 ہزار راویوں کے مکمل حالات اور علماء جرح وتعدیل کے اقوال

side-logo
جوامع الکلم

تفسیر، حدیث، فقہ، فتاوی اور متعدد موضوعات پر بڑی تعداد میں محفوظ کتب میں سے کسی بھی لفظ کے ذریعے مطلوبہ موادسرچ کیا جا سکتا ہے۔

side-logo
مکتبہ جبریل