فتوی ٰ کے کام کی حساسیت ، گہرائی اور گیرائی ، عظمت اور سنجیدگی کے پیش نظر امت کے معتبر فقہائے کرام اور شرعی ماہرین نے قرآن وحدیث کی روشنی میں ،فتویٰ کے میدان میں قدم رکھنے کے لئے کچھ رہنمااصول وقواعد طے فرمائے ہیں ، تاکہ مفتی شریعت کے نام پر لوگوں کی جورہنمائی کرے وہ واقعی شریعت کی ترجمان ہو، نہ اس میں بےلگام آزادی کاگمراہ کن عنصر ہو، نہ ہی اس میں بے جا سختی اور تنگی کی مذموم صفت ، بلکہ ان دونوں انتہاؤں کے درمیان اعتدال کا طریقہ ہو،جس سے انسان اپنی عملی اور روحانی زندگی میں سکون بھی پائے اور شریعت کے اصولوں کی پابندی بھی ہو۔ المفتی آن لائن نے فتویٰ کےکا م کی عظمت ونزاکت کو سامنے رکھتے ہوئے امت مسلمہ کے مستند فقہائے کرام کی تعلیمات کی روشنی میں ، اس ویب سائٹ کے توسط سے فتویٰ صادر کرنے والے مفتیان کرام کے لئے درج ذیل رہنما ہدایات وضع کی ہیں
