سوال

زید  شادی شدہ   ہے ،بچے دار  ہے ،  کافی عرصے سے مالی حالت  خراب ہونے کی  وجہ سے   ذہنی تناؤ کا شکار ہے، موٹاپے کا  شکار ،شوگر کا مریض  ہے  ، اور  معدے کی تکلیف    میں مبتلاء  ہے ، جسکی  وجہ سے ازدواجی زندگی متائثر  ہے ، کہ  کئی  کئی ہفتے تک   ہمبستری    کی ضرورت پیش نہیں آتی ، ہمبستری  کی کو شش  کرتا   ہوں جلدی  انزال ہوجاتا  ہے ، ڈاکٹروں  کا کہنا ہے  کہ جب تک   شوگر کنٹرول  نہیں ہوگی ،  اور  ذہنی سکون  حاصل نہیں  ہوگا  مردانہ   قوت بحال  نہیں ہوگی ۔ سب بیماریوں کی دوائیاں چل رہی ہیں، دوسری  طرف بیوی کا  مطالبہ  ہوتا   ہے کہ   ہمبستری   بھی  ہو اور  اس سے پہلے  کچھ دیر  کے لئے   ملاعبت ﴿ بیوی  کے ساتھ کھیلنا ﴾ بھی  ہو  ،تا کہ   جسم گرم ہوسکے ۔

1۔اب سوال یہ ہے کہ    ہمبستری   سے  پہلے ملاعبت   کاکیاحکم  ہے ؟

2۔بیوی  کو  مطمئن  کرنے  کے لئے  انگلی کے استعمال کا کیا  حکم ہے ؟

3۔ مصنوعی  مردانہ عضوء  تناسل   استعمال کرنے کا کیاحکم ہے جب کہ  وہ   شکل  میں اصل کی  طرح ہی ہوتا  ہے اور بیوی  اس  کے استعمال کے لئے  تیار  نہیں   ؟

اَلجَوَابْ بِاسْمِ مُلْہِمِ الصَّوَابْ

    واضح ہوکہ   شادی  کا مقصد   صرف  ہمبستری کرنا   نہیں  ہوتا  بلکہ   ایک  رشتہ     ہے جو زندگی بھر ساتھ  نباہ  کرنے کے لئے   ہوتا ہے ،  نکاح  کے بعد    اس رشتے کو قائم  رکھنے کے لئے    میاں  بیوی  دونوں  پر ایک دوسرے کے بہت  سے حقوق  شریعت  نے  بتائے ہیں،  کہ آپس میں   محبت کا  تعلق   ہو دونوں  ایک دوسرے  کے مزاج کی رعایت  کریں   خوشی  ،غمی  میں ایک دوسرے کا ساتھ  دیں ، بیماری  میں  تیمار داری   صحت کے زمانے  میں  خوشی ، اورشوہر  نان نفقہ   رہائش کا انتظام  کرے، بیوی  بچوں کی  پرورش   اور دیگر امور خانہ  انجام دے ، اس  کے ساتھ   وقتا  فوقتا   جب طبیعت   میں  نشاط ہواور شوہر میں   ہمبستری   کی  طرف  رغبت  ہو تو  ہمبستری بھی  کرے ،لہذا  مسئولہ  صورت میں  جب  شادی  کے بعد  ہمبستری  کا  عمل ہوتا  رہا   اور بچے بھی  پیدا  ہوئے  ، اب اگر   شوہر  کو   کوئی بیماری   لاحق   ہوئی   ہے  جیساکہ  سوال میں  مذکور ہے ،تو بیوی  کو   صبر سے کام لینا چاہئے ، یہ درست نہیں  ہے   کہ بیوی  شوہر سےبار  بار   ہمبستری   کا مطالبہ  کرے ۔

1۔اس تفصیل  کے بعد   سوالات  کے جوابات   یہ ہیں   کہ    عام  حالات  میں   ہمبستری  سے   پہلے  میاں  بیوی  کا آپس میں    کھیلنا   ایک مستحب عمل   ہے ،  لیکن   بیماری کی حالت  میں ایسا  کرنا  ضروری نہیں ۔

2۔  بیوی  کی تسکین  کے لئے اس عمل کی  بھی اجازت  ہے ۔

3۔ مصوعی   الہ تناسل  بنا نا   پھر  اس  کا  استعمال   کرنا  جائز نہیں  ، کیونکہ  یہ زنا کاری  ،بد کاری   ،بے حیائی  اور  فحاشی کو فروغ دینے کا ذریعہ  بنے گا ۔اور   اس  سے نسل انسانی تباہ  ہوگی  لہذا   اس عمل سے اجتناب  کرنا لازم  ہے ۔

۰۰۰۰۰۰