سوال

ہمارےعرف میں جب نکاح پڑھایاجاتاہےاورمہرمقررکرنےکاوقت آتاہےتوکہتےہیں کہ جومہرشرعی ہے وہی رکھ لو اور وہ یہ سمجھتے ہیں کہ جو دس درہم  مہر بیان کیا جاتا ہے، یہ شرعی مہر ہے،تو شریعت کی روشنی میں وضاحت فرمائیں کہ شرعی مہر کتنا ہے اور یہ دس درہم کی مقدار شرعی ہے یا نہیں؟

اَلجَوَابْ بِاسْمِ مُلْہِمِ الصَّوَابْ

شرعی لحاظ سے دس درھم مہر کی کم از کم مقدار ہے،جبکہ زیادہ سے زیادہ کی کوئی حد نہیں ہے،لہذا دس درھم کے مہر پر بھی شرعی مہر کا اطلاق ہوسکتا ہے اور اس سے زیادہ پر بھی۔

"البحر الرائق " (3/ 152):

"(قوله: وأقله عشرة دراهم) أي أقل المهر شرعا للحديث «لا مهر أقل من عشرة دراهم» وهو وإن كان ضعيفا فقد تعددت طرقه والمنقول في الأصول أن الضعيف إذا تعددت طرقه فإنه يصير حسنا إذا كان ضعفه بغير الفسق ولأنه حق الشرع وجوبا إظهارا لشرف المحل فيقدر بما له خطر وهو العشرة استدلالا بنصاب السرقة".