سوال

(ایران سے پٹرول اور ڈیزل لانے کے لیے ضلعی انتظامیہ کی جانب سے ایک "ٹوکن" جاری کیا جاتا ہے) ۔کچھ افراد کو سفارش نہ ہونے کی وجہ سے" ٹوکن" حاصل نہیں ہوتا،چنانچہ وہ رات کی تاریکی میں سیکیورٹی اداروں کے بعض اہلکاروں کو رشوت دے کر ساحلی علاقوں سے بذریعہ اسپیڈ بوٹ یا لانچ کشتی ایرانی جائز اشیاء کی اسمگلنگ کرتے ہیں۔ اس صورتِ حال میں شریعت کا کیا حکم ہے؟ اور ایسے کام میں مزدوری کرنا کیسا ہے؟ واضح فرمائیں۔

اَلجَوَابْ بِاسْمِ مُلْہِمِ الصَّوَابْ

  واضح رہے کہ ٹوکن کے حصول کی مکمل اہلیت او ر بھر پور کوشش کے باوجود ٹوکن حاصل نہ ہو ،  کسی دوسرے شخص  کی حق تلفی بھی نہ ہو رہی ہو،یعنی درخواست گزار  ٹوکن  حاصل کرنے کے تمام قانونی تقاضے پورے کر رہا ہو، اس کے باوجود اس کو ٹوکن حاصل نہ ہو، تو اس صورت میں وہ اپنا حق رشوت دے کر حاصل کر سکتا ہے  ، تاہم دوسرے فریق کے لئے رشوت لینا درست نہیں۔

تكملة حاشية ابن عابدين  قرة عيون الأخيار تكملة رد المحتار ط الفكر (8/ 351):

وأما ‌دفع ‌الرشوة ‌لدفع ‌الظلم فجائز، وليس بصلح أحل حراما ولا بسحت إلا على من أكله.