سوال

میں نے سنا ہے کہ اگر اجتماعی قربانی میں کسی  دوسرے انسان کی نیت  قربانی کی نہ ہو تو باقی لوگوں کی قربانی بھی نہیں ہوتی،ایسی صورت میں ایک عام انسان کے لئے کیا شرعی حکم ہوگا؟ کیوں کہ ہمیں نہیں پتا ہوتا کہ کس کی کیا نیت ہے؟ مہربانی فرما کر رہنمائی فرمائیں۔

اَلجَوَابْ بِاسْمِ مُلْہِمِ الصَّوَابْ

بہتر یہ ہے کہ تحقیق کرکے ایسے لوگوں کو شامل کیا جائے جن کی نیت اور آمدن کے بارے میں اطمینان ہو،اسلامی معاشرے میں چونکہ مسلمانوں کے بارے میں حسن ظن کا حکم ہے ،لہذا جب تک کسی کے بارے میں یقینی طور پر معلوم نہ ہو کہ اس کی نیت گوشت کی تھی یا اس کی آمدن صرف حرام ہی ہےتو اس وقت تک باقی شرکاء بے قصور ہیں؛ اس لیے  ان کی قربانی ادا ہوجائے گی۔