سوال

  کسی شخص نے ارادہ کیا کہ وہ 30 دن تک کوئی نماز قضا نہیں کرے گا۔ اگر بیچ میں کوئی نماز قضا ہوئی تو اس کے بعد نئے سرے سے 30 دن دوبارہ شمار ہوں گے۔ اور اگر وہ تیس دن تک یہ کام کرنے میں کامیاب رہا، تو پھر اس کے بعد کسی جگہ رشتے کی بات کرے گا۔ اب پوچھنا یہ ہے کہ یہ شخص اگر بیچ میں ارادہ توڑتا ہے، تو کیا اس پہ کفارہ لازم آئے گا؟ کیونکہ اس نے کوئی قسم نہیں کھائی، صرف ارادہ کیا تھا۔ اور کیا 30 دن تک بیچ میں وہ کوئی دوسرا کام کرسکتا ہے یہ شرط پوری ہونے سے پہلے، یا اسے ہر حال میں یہ کام کرنا ہی ہوگا؟ براہ کرم رہنمائی فرمائیں۔

اَلجَوَابْ بِاسْمِ مُلْہِمِ الصَّوَابْ

بیان کردہ صورت میں محض نماز قضاء نہ کرنے کا ارادہ کیا گیا ہے، یہ کوئی قسم نہیں ہے۔ البتہ اس پر پابندی کرنا لازم ہے، اگر پابندی نہ ہوسکے تو کفارہ وغیرہ لازم نہیں۔

ردالمحتار:  (ج:3، ص:704، ط: ایچ ایم سعید)

"وركنها اللفظ المستعمل فيها."

البحر الرائق:  (ج:4، ص:465، ط:دار الكتب  العلمية)

  "و ركنها اللفظ المستعمل فيها و شرطها العقل و البلوغ والإسلام."