سوال

کیا لڑکی یوٹیوب یا دیگر تعلیمی پلیٹ فارمز کے ذریعے آن لائن کلاسز میں شرکت کر سکتی ہے جہاں ایک پلیٹ فارم پر مرد اسا تذہ آن لائن پڑھا رہےہوں؟کیا یہ لڑکے اور لڑکیوں دونوں کے لیے جائز ہے یا بلوغت کی عمر کے بعد اسے آنکھوں سے زنا کے زمرے میں شمار کیا جائے گا؟

اَلجَوَابْ بِاسْمِ مُلْہِمِ الصَّوَابْ

اگر کلاس کے دوران خواتین نے اپنے موبائل اور لیپ ٹاپ وغیرہ کے کیمرے بند رکھے ہوں ،اور ان کاچہرہ غیر مردوں کو دکھائی نہ دے رہا ہو،اسی طرح کلاس کے دوران یا اسکے بعد غیرمردوں سے غیر ضروری گفتگو اور بات چیت نہ ہو ،جو فتنے اور فساد کا باعث ہو ،تو ایسی صورت میں خواتین کےلئے کسی مرد استاد سے سبق پڑھنے یا ایسی آن لائن کلاسزمیں شمولیت اختیار کرنے کی کہ جس میں مرد حضرات بھی موجود ہوں گنجائش ہے۔

سنن أبي داود (4/ 106 ط مع عون المعبود):

عن عائشة : «أن أسماء بنت أبي بكر دخلت على رسول الله صلى الله عليه وسلم، وعليها ثياب رقاق، فأعرض عنها رسول الله صلى الله عليه وسلم وقال: يا أسماء إن المرأة إذا بلغت المحيض لم يصلح لها أن يرى منها إلا هذا وهذا ‌وأشار ‌إلى ‌وجهه ‌وكفيه».

الموسوعة الفقهية الكويتية (2/ 290):

«وقال تعالى عن النساء: {ولا يبدين زينتهن} وقال: {إذا سألتموهن متاعا فاسألوهن من وراء حجاب}»