سوال

ایک عورت کاانتقال ہوا، اس کے ورثاء میں ایک بیٹی، ایک بھائی اور تین بہنیں  تھیں، اس کی زمین ایک کنال اور تین مرلے ہے، سوال یہ ہے کہ اس کا ترکہ ان میں کس طرح تقسیم ہو گا؟

وضاحت:سائل نےبتایا:بہنوں کا انتقال مرحومہ کی زندگی میں ہو چکا تھا، ابھی ایک بھائی اور ایک بیٹی حیات ہیں۔

اَلجَوَابْ بِاسْمِ مُلْہِمِ الصَّوَابْ

مرحومہ نےبوقت ِانتقال اپنی ملکیت میں مذکورہ زمین سمیت جو کچھ منقولہ وغیر منقولہ مال،جائیداد،سونا، چاندی، نقدی اور ہر قسم کا چھوٹا بڑا جوساز وسامان چھوڑا ہےاوران کا  وہ قرض جو کسی کے ذمہ  واجب ہو، يہ  سب ان کا ترکہ ہے۔اس میں سے ان کے کفن دفن کے متوسط اخراجات نکالنے،ان کے ذمہ واجب الاداء قرض ادا کرنے اور کل ترکہ کے ایک تہائی کی حد تک ان کی جائز وصیت پر عمل کرنے کے بعد جو ترکہ باقی بچے اس میں سے آدھاحصہ مرحومہ کی بیٹی کو اوربقیہ آدھا اس کے بھائی کو دے دیا جائے، اس کے مطابق سوال میں ذکر کی گئی زمین میں سے ساڑھے گیارہ مرلے مرحومہ کی بیٹی کو اور ساڑھے گیارہ اس کے بھائی کو ملیں گے۔

السراجی فی المیراث:(ص:19)، مکتبۃ البشری، کراتشی:

وأما لبنات الصلب فأحوال ثلاث: النصف للواحدۃ، والثلثان للإثنین فصاعدا، ومع الابن للذکر مثل حظ الأنثیین وھو یعصبھن.

السراجية في الميراث (1/ 29) مكتبة المدينة، كراتشي – باكستان:

أما العصبة بنفسه فكل ذكر لا تدخل في نسبته إلى الميت أنثى، وهم أربعة أصناف: جزء الميت، وأصله، وجزء أبيه، وجزء جده، الأقرب فالأقرب يرجحون بقرب الدرجة.