سوال

       اگر  میں  اپنی  نانی کی میراث  کا یہ کیس جیت جاتا ہوں ،تو کیا  سگے بہن  بھائیوں کے ساتھ جو سوتیلے بہن  بھائی ہیں، ان کو بھی حصہ دینا ضروری ہے ؟

(تنقیح:سائل کی والدہ ابھی حیات ہیں اور نانی وفات پا چکی ہیں۔)

اَلجَوَابْ بِاسْمِ مُلْہِمِ الصَّوَابْ

  صورت مسئولہ میں  میت(سائل کی نانی) کی حقیقی بیٹی(سائل کی والدہ ) ابھی حیات  ہیں، لہذا  بطور وارث ان کو جو بھی حصہ ملے گا ،وہی اس کی حقدار  ہیں۔ ان پر لازم نہیں کہ اپنی اولاد( خواہ حقیقی ہو یا سوتیلی) اس مال میں سے کسی کو  حصہ دیں،تاہم  اپنی دلی  رضامندی سے وہ کسی بھی فرد کو  ہدیہ وغیرہ کر سکتی ہیں۔

الموسوعة الفقهية الكويتية (3/ 22):

(وللإرث شروط ثلاثة) :أولها: ‌تحقق ‌موت ‌المورث أو إلحاقه بالموتى حكما كما في المفقود إذا حكم القاضي بموته أو تقديرا.