سوال

5۔کیا معاہدے میں یہ شرط کہ معاہدہ کرنے والے کی وفات کے بعد اس کا نامزد شخص (حنظلہ) اس ادائیگی کاذمہ دار ہوگا، شرعاً درست اور قابلِ نفاذ ہے؟

اَلجَوَابْ بِاسْمِ مُلْہِمِ الصَّوَابْ

واضح رہے کہ حنظلہ نہ اس معاہدے کا حصہ ہے، نہ آجر (ملازمت دینے والا) ہے، نہ ملازم ہے اور نہ ہی اس نے شرعی طور پر محسن کی تنخواہ کی ضمانت لی ہے؛ اس لیے اس پر اس معاہدے کی وجہ سے کوئی مالی ذمہ داری عائد نہیں ہوتی۔ نیز معاہدے میں یہ شرط رکھ دینا کہ حنظلہ ادائیگی کرے گا، شرعاً درست نہیں ؛کیونکہ یہ معاہدے کے تقاضے کے خلاف ہے۔

مزید یہ کہ آجر (ملازمت دینے والا) کے انتقال کے ساتھ ہی یہ عقدِ اجارہ ختم ہو جاتا ہے، اس لیے آئندہ کی تنخواہ کسی پر لازم نہیں رہتی۔ لہٰذا حنظلہ پر محسن کے حق میں مستقبل کی کسی بھی رقم کی ادائیگی شرعاً لازم نہیں ہے۔

(المبسوط للسرخسي :16/ 50):

 لأن استحقاق الأجر بالعمل لا يستحقه من لم يعمل سواء ترك العمل بعذر أو بغير عذر ويرفع عنهم من الأجر بحساب حصته.

(الدر المختار، ص 587؛ كنز الدقائق، ص 552):

وَتَنْفَسِخُ بِمَوْتِ أَحَدِ الْعَاقِدَيْنِ عِنْدَنَا.

(مختصر القدوري، ص: 105):

وإذا مات أحد المتعاقدین وقد عقد الإجارۃ لنفسہ انفسخت الإجارۃ.