مختلف بینکوں اور جدید مالیاتی اداروں کے سود سے متعلق مسائل کا بیان
سوال
السلام علیکم!
1۔نیشنل بینک کے ماتحت NAFA اسلامک ایسیٹ ایلوکیشن فنڈ میں سرمایہ کاری کرنا شرعاً کیسا ہے؟
2۔نیشنل بینک کے ماتحت "اسلامک اسٹاک فنڈ" میں سرمایہ کاری کرنا شرعی طور پر کیسا ہے؟
اَلجَوَابْ بِاسْمِ مُلْہِمِ الصَّوَابْ
(2،1)NAFAنیشنل بینک آف پاکستان کی اسلامک ونڈو ہے،یہ شعبہ باقاعدہ مستند علمائے کرام کی زیر نگرانی کام کرتا ہے،یہ اسی طریقہ کار کے مطابق کام کرتا ہے جو مستند علمائے کرام کا وضع کردہ ہے،لہٰذا"NAFA اسلامک ایسیٹ ایلوکیشن فنڈ" اور"اسلامک اسٹاک فنڈ" میں سرمایہ کاری کرنے میں کوئی حرج نہیں۔البتہ وقتاً فوقتاً علمائے کرام سے اس حوالے سے پوچھتے رہا کریں تاکہ اگر مذکورہ بینک طے شدہ شرعی طریقہ کار کی خلاف ورزی کرے تو آپ کو فوراً آگاہی حاصل ہوسکے۔