سوال

ایک شخص نے فجر کی نماز کی دو رکعت فرض پڑھ لی، پھر معلوم ہوا کہ ابھی وقت باقی ہے، کیا اب فجر کی سنت نماز ادا کر لے یا نہیں؟

اَلجَوَابْ بِاسْمِ مُلْہِمِ الصَّوَابْ

اگر کسی شخص سےکسی وجہ سے فجر کی سنتیں رہ جائیں اور وہ فجر کے فرض نماز پڑھ لے، تو فجر کی فرض پڑھنے کے بعد سورج طلوع ہونے سے پہلے فجر کی سنتیں پڑھنا جائز نہیں۔ سورج طلوع ہونے کے بعد زوال تک اسی دن کی فجر سنتیں ادا کی جا سکتی ہیں۔

حوالہ جات

الدر المختار وحاشية ابن عابدين (رد المحتار) (2/ 57)

(قوله ولا يقضيها إلا بطريق التبعية إلخ) أي لا يقضي سنة الفجر إلا إذا فاتت مع الفجر فيقضيها تبعا لقضائه لو قبل الزوال؛ وما إذا فاتت وحدها فلا تقضى قبل طلوع الشمس بالإجماع، لكراهة النفل بعد الصبح.

ناصر خان مندوخیل

دارالافتاء جامعۃالرشید کراچی

2/08/1442 ھ

واللہ سبحانہ وتعالی اعلم