سوال

سوال:السلام علیکم ورحمۃ اللہ وبرکاتہ!کیافرماتےہیں علمائےکرام اورمفتیان کرام اس بارےمیں کہ میں ایک تنگدست اورمالی حالت سےمجبورانسان ہوں،میں شادی شدہ ہوں اورچاربچوں کاباپ ہوں،میں مزدوری کرتاہوں،اورمیری تنخواہ سترہ ہزارروپےہیں،میراگھرکرایہ کاہے،اورمیرےپاس سوناچاندنی اورکوئی بنیک بیلنس نہیں ہے،نہ پلاٹ وہ مکان وغیرہ ہے،میں سیدیاقریشی بھی نہیں ہوں،میں اللہ کوحاضر ناظرجان کرکہتاہوں کہ میں نےجولکھاہےسچ لکھاہے۔

ایک شخص زکوۃ کی مدمیں رقم دیناچاہتاہے،لیکن اس کاکہناہےکہ اگرمفتی حضرات فتوی دیں گےتومیں رقم دونگا،آپ سےگزارش ہےکہ قرآن وسنت کی روشنی میں میری مشکل آسان فرمادیں۔عین نوازش ہوگی۔

اَلجَوَابْ بِاسْمِ مُلْہِمِ الصَّوَابْ

صورت مسئولہ میں اگرآپ کےپاس سونا،چاندی،نقدی،مال تجارت اورضرورت سےزائدسامان(ان پانچ اموال)کامجموعہ اتنانہیں کہ آپ صاحب نصاب بن سکیں(یعنی ان پانچ چیزوں کوملاکر ان سب کی قیمت بھی ساڑھےباون تولہ چاندی کےبرابرنہیں پہنچتی)تومذکورہ صورت میں شرعاآپ زکوۃ لینےکےمستحق ہیں۔

حوالہ جات

قال اللہ تعالی فی "سورۃ التوبۃ "آیت 60:إِنَّمَا الصَّدَقَاتُ لِلْفُقَرَاءِ وَالْمَسَاكِينِ وَالْعَامِلِينَ عَلَيْهَا وَالْمُؤَلَّفَةِ قُلُوبُهُمْ وَفِي الرِّقَابِ وَالْغَارِمِينَ وَفِي سَبِيلِ اللَّهِ وَابْنِ السَّبِيلِ فَرِيضَةً مِنَ اللَّهِ وَاللَّهُ عَلِيمٌ حَكِيمٌ (60)

"رد المحتار" 7 / 205:باب المصرف أي مصرف الزكاة والعشر ، وأما خمس المعدن فمصرفه كالغنائم ( هو فقير ، وهو من له أدنى شيء ) أي دون نصاب أو قدر نصاب غير نام مستغرق في الحاجة۔                                                                                                                                                                                                                                                                                                                                            

محمدبن عبدالرحیم

 دارالافتاءجامعۃالرشیدکراچی

13/رمضان 1442 ھج

واللہ سبحانہ وتعالی اعلم