سوال

کسی نے کسی کو قرض دیا ،کچھ عرصے بعد اس سے کہا کہ تم مجھے میرے پیسے واپس کردو تو میں تمہیں زکوۃ کی نیت سے دے دوں گا،اس نے حامی بھر لی ،پھر کچھ دن بعد وہ فوت ہوگیا ،اب وہ قرض کا کیا کرے؟ کیا وہ زکوۃ میں ادا ہوگیا ؟     

اَلجَوَابْ بِاسْمِ مُلْہِمِ الصَّوَابْ

صورتِ مسئولہ میں مرحوم قرض ادا کرنے سے پہلے ہی انتقال کرگئے  لہذا  قرض اگر معاف نہیں کیاہے ،تو ایسی صورت

میں  مرحوم کے ترکہ  سےقرض  کی وصولی کی  جاسکتی ہے ۔محض قرض کے معاف کرنے سے زکوۃ ادا نہیں ہوتی،لہذا قرض

اگر  معاف کربھی دیا جائے تو الگ سے زکوۃ ادا کرنا لازم ہے۔

حوالہ جات

الدر المختار وحاشية ابن عابدين (رد المحتار) (2/ 271)

 وحيلة الجواز أن يعطي مديونه الفقير زكاته ثم يأخذها عن دينهَ

مصطفی جمال

دارالافتاءجامعۃالرشید کراچی

30/04/1442

واللہ سبحانہ وتعالی اعلم