سوال

ماسٹر محمد عبداللہ دوران سروس فوت ہو گیا ہے۔ اس کے اصول وفروع پہلے فوت ہو چکے ہیں، اس کے ورثإءمیں ایک بیوہ  دو بھائی (اکبراوراصغر) ترکہ تین جگہ رقبہ قیمت میں تفاوت  دو عدد رہائشی  مکان  ہیں، سوال یہ ہے کہ مرحوم کا ترکہ ان کے ورثاء میں کس طرح تقسیم ہو گا؟

اَلجَوَابْ بِاسْمِ مُلْہِمِ الصَّوَابْ

مرحوم نے بوقت ِانتقال اپنی ملکیت میں جو کچھ منقولہ وغیر منقولہ مال،جائیداد، سونا، چاندی،نقدی اور ہر قسم کا چھوٹا بڑا جوساز وسامان چھوڑا ہےاوران کا  وہ قرض جو کسی کے ذمہ  واجب ہو، يہ  سب ان کا ترکہ ہے۔اس میں سے سب سے پہلے ان کے کفن دفن کے متوسط اخراجات نکالنے، ان کے ذمہ واجب الاداء قرض ادا کرنے اور کل ترکہ کے ایک تہائی کی حد تک ان کی جائز وصیت پر عمل کرنے کے بعد جو ترکہ باقی بچے اس میں سے پچیس فیصد بیوی کا اور بقیہ ترکہ دونوں بھائیوں میں برابر تقسیم ہو گا، لہذا پیچھے ذکرکیے گئے تین حقوق ادا کرنے کے بعد بقیہ ترکہ کو آٹھ (8) حصوں میں برابر تقسيم كر كے  ہربیٹے کو تین (3) حصے اور بیوی کو دو (2) حصے  دے دیے جائیں، تقسیم ِ میراث کا نقشہ ملاحظہ فرمائیں:واضح رہے کہ اگر کسی وارث کا انتقال مرحوم کی وفات کے بعد ہوا ہو تو شریعت کے حکم کے مطابق اس کو بھی مرحوم کے ترکہ سے حصہ ملے گا اور پھر اس کا شرعی حصہ اس کے ورثاء کے درمیان تقسیم ہو گا۔

السراجی فی المیراث:(ص:36) مكتبة البشرى:

أما العصبة بنفسه: فكل ذكر لا تدخل في نسبته إلى الميت وهم أربعة أصناف: جزء الميت، وأصله وجزء أبيه.