سوال

عرض  یہ ہے کہ ایک آدمی نے اپنا سارا مال  اپنے  بیٹوں   کو کاروبار کے لئے دیدیا ،بیٹوں نے محنت   کی   مال  مزید بڑھ گیا ،اب  وہ آدمی   چاہتا ہے  کہ اپنا  مال  جو بیٹوں  کو  دیا  تھا  وہ بھی   اور   بیٹوں نے محنت  کرکے  جو  اضافہ کیا سارا مال   بیٹوں  کو  دیدیں اور  لڑکیوں   کو حصہ نہ دیں   ۔

 سوال  یہ ہے کہ ایسا کرنا شرعا  درست ہے یانہیں ؟

اَلجَوَابْ بِاسْمِ مُلْہِمِ الصَّوَابْ

زندگی میں اولاد  میں   مال  تقسیم  کرنا   شرعا  ھبہ  کےحکم  میں داخل ہے ، اس  کا مستحب  طریقہ  یہ ہے  کہ  لڑکے  لڑکیاں  سب کو  برابر مال دیاجائے ، لڑکیوں  کو  بالکل  محروم کرکے  سارا  یا اکثر  مال  لڑکوں  کو دیدینا  بڑا  گناہ ہے ،  ایسا کرنا  شرعا جائز نہیں ۔

لہذا مسئولہ صورت میں   اس آدمی کو چاہئے  کہ اپنا سارا  مال  صرف نرینہ اولا  د میں تقسیم کرکے  لڑکیوں کو مال سے  بالکل محروم نہ کرے ،بلکہ لڑکے اورلڑکیاں  سب میں  تقسیم کرے،البتہ لڑکوں  کی مال کمانے میں  باپ کے  ساتھ  تعاون کی وجہ سے  لڑکیوں کی بنسبت  لڑکوں کو کچھ مال زیادہ  دے ،تو اس کی گنجائش ہے ۔

اور  پھر ھبہ مکمل  ہونے کے لئےضروری  ہے کہ  مال کو  تقسیم  کرکے  ہر ایک کو اس کا حصہ مالکانہ  تصرف  کے ساتھ  قبضہ  میں  دیاجائے ، ، اگر  کوئی مکان ھبہ کرے  تو اس کی شرط  یہ ہے  کہ ھبہ کرنے  والا پہلے اپنا  سامان  گھر سے  باہر نکالے  اس کے بعد ھبہ  کرے ،اور اگرایک  مکان  متعدد افراد کو ھبہ کرے  تو مکان کو  حصہ کرکے دیوار لگاکر  ہر ایک کا حصہ  الگ کرکے دیدیں ورنہ  ھبہ مکمل نہ ہوگا۔اگر کوئی خالی زمین ھبہ کرے  تو زمین کی حد بندی کرکے ہرایک کو ھبہ شدہ  حصہ مکمل اختیا ر کے ساتھ حوالے کردے۔

قال الامام طاھر بن عبدالرشید البخاری رحمہ اللہ تعالی وفی الفتاوی ،رجل لہ ابن و بنت اراد ان یھب لھما شیئا فالافضل ان یجعل للذکر مثل حظ الانثیین عند محمد رحمہ اللہ تعالی،وعند ابی یوسف رحمہ اللہ تعالی بینھما سواء ھو المختارلورود الآثار ،ولو وھب جمیع مالہ لابنہ جاز فی القضاء ،وھو اثم ،ثم نص عن محمد رحمہ اللہ تعالی ھکذا فی العیون ،ولو اعطی بعض ولدہ شیئا دون البعض لزیادة رشدہ لا باس بہ ،وان کانا سواء لاینبغی ان یفضل،ولوکان ولدہ فاسقا فاراد ان یصرف     ما   لہ الی وجوہ الخیر و یحرمہ عن المیراث ھذا خیر من ترکہ لان فیہ اعانة علی المعصیة ،ولوکان ولدہ فاسقا لا یعطی لہ اکثر من قوتہ۔خلاصة الفتاوی،جلد۴،صفحہ۴۰۰

الدر المختار وحاشية ابن عابدين (رد المحتار) (5/ 690)

(وتتم) الهبة (بالقبض) الكامل (ولو الموهوب شاغلا لملك الواهب لا مشغولا به) والأصل أن الموهوب إن مشغولا بملك الواهب منع تمامها،

{نَّ الَّذِينَ يَأْكُلُونَ أَمْوَالَ الْيَتَامَى ظُلْمًا إِنَّمَا يَأْكُلُونَ فِي بُطُونِهِمْ نَارًا وَسَيَصْلَوْنَ سَعِيرًا (10} [النساء: 10]

مشكاة المصابيح للتبريزي (2/ 197)

وعن أنس قال : قال رسول الله صلى الله عليه و سلم : " من قطع ميراث وارثه قطع الله ميراثه من الجنة يوم القيامة " . رواه ابن ماجه