سوال

اگر کسی مسجد میں جماعت کھڑی ہو، اور رش  زیادہ ہونے کی وجہ سے مسجد بھر جائے،  اور کچھ لوگ باہر برآمدےمیں کھڑے ہوں،لیکن مسجد کے ہال کے دروازے بند کر دیے جائیں،  باہر جو لوگ برآمدے میں کھڑے ہیں ،وہ اندر والوں کو نہیں دیکھ سکتے ،صرف آواز سن رہے ہوتے ہیں، تو کیا باہر والوں کی نماز ہو جائے گی کہ نہیں ؟

اَلجَوَابْ بِاسْمِ مُلْہِمِ الصَّوَابْ

صورت مسئولہ میں مسجد کے ہال کے دروازے بند کر دینے سے برآمدے میں کھڑے نمازیوں کی نماز میں فرق نہیں آتا، بشرطیکہ اتصالِ صفوف ہو۔

و فناء المسجد لہ حکم المسجد، حتیٰ لو قام فی فناء المسجد و اقتدیٰ بالإمام، صح اقتداءہ و إن لم تکن الصفوف متصلۃ و لا المسجد ملآن۔اھـ(الفتاوی الھندیۃ: 1/ 109)