سوال

کسی بیرون ملک مقیم پاکستانی ہونے کے ناطے کیا سرمایہ کاری کرنا حلال ہے؟

کیا اسلامک نیا پاکستان سرٹیفکیٹ (آئی این پی سی)میں سرمایہ کاری کرنا جائز ہے؟

اسلامک نیا پاکستان سرٹیفکیٹ (آئی این پی سی) شریعہ کے مطابق سرمایہ کاری کا اختیار ہے جو میزان روشن ڈیجیٹل اور میزان روشن کے رہائشی اکاؤنٹ ہولڈرز کو مضاربہ کی بنیاد پر پیش کیا جاتا ہے۔

یہ اقدام  اسٹیٹ بینک آف پاکستان (اسٹیٹ بینک) کی قیادت میں، سرمایہ کاروں کویعنی غیر مقیم پاکستانیوں (این آر پی) اور رہائشی پاکستانیوں (بیرون ملک اعلان کردہ اثاثوں کے ساتھ) کو منافع بخش سرمایہ کاری کے اختیارات پیش کرکے پاکستان میں معاشی ترقی اور خوشحالی میں حصہ ڈالنے کا موقع فراہم کرتا ہے۔

اسٹیٹ بینک آف پاکستان (اسٹیٹ بینک) اسلامی نیا پاکستان سرٹیفکیٹ کا واحد محافظ ہے جبکہ میزان بینک اس کے ایجنٹ کے طور پر کام کر رہا ہے۔

سرمایہ کاری کی مدت

سرمایہ کاری ۳ ماہ، ۶ ماہ، ۱۲ ماہ، ۳ سال اور ۵ سال کی مدت کے لیے پیش کی جاتی ہے۔

بنیادی اسلامی طرز

سرمایہ کارآئی این پی سی کمپنی لمیٹڈ کے ساتھ شریعت کے مطابق آئی این پی سی میں اپنے فنڈز کی سرمایہ کاری کے لیے مضاربہ معاہدہ کریں گے۔ سرمایہ کار رب المال ہیں اور آئی این پی سی کمپنی لمیٹڈ مدرب ہے۔

منافع اور نقصان کا طریقہ کار

آئی این پی سی کمپنی لمیٹڈ (مدارب)، کاروبار کے قابل تقسیم منافع کے پہلے سے متعین فیصد کی بنیاد پر سرمایہ کاروں کے ساتھ منافع کا اشتراک کرے گا، جسے پی ایس آر (منافع کی تقسیم کا تناسب) کہا جاتا ہے۔

تمام سرمایہ کاروں کو ان کے پاس موجود آئی این پی سی کی خصوصیات کی بنیاد پر وزن تفویض کیا جائے گا، جیسے کہ مدت، منافع کی ادائیگی کے اختیارات اور منافع کے حساب کے مقصد کے لیے دیگر قابل اطلاق خصوصیات۔

تمام آئی این پی سی پر لاگو پی ایس آر اور وزن کا اعلان ہر ماہ کیا جائے گا۔

شرعی منظوری

اسلامی نیا پاکستان سرٹیفکیٹ کی مصنوعات کی ساخت، بنیادی معاہدوں اور شرائط و ضوابط کی منظوری اسٹیٹ بینک آف پاکستان کی شریعہ ایڈوائزری کمیٹی اور میزان بینک لمیٹڈ کے شریعہ بورڈ دونوں سے حاصل ہے۔

*نوٹ: مضاربہ کے قواعد کے مطابق، متوقع نرخوں کو منافع کی تصدیق یا ضمانت کے طور پر نہیں سمجھا جانا چاہئے۔ سرمایہ کاروں کو خیال فراہم کرنے کے لیے متوقع منافع کی شرح دی جاتی ہے۔ منافع کی اصل شرحوں کا حساب مضاربہ کے اسلامی اصول کے مطابق مہینے کے اصل مالیات کی بنیاد پر کیا جائے گا۔

اَلجَوَابْ بِاسْمِ مُلْہِمِ الصَّوَابْ

اسلامی نیا پاکستان سرٹیفکیٹ (آئی این پی سی )کمپنی میزان روشن ڈیجیٹل اور میزان روشن کے رہائشی اکاؤنٹ ہولڈرز کو مضاربہ کی بنیاد پر سرمایہ کاری  کرنے کی پیشکش کرتا ہے ۔ جس میں  اسلامی نیا پاکستان سرٹیفکیٹ (آئی این پی سی )کمپنی لمیٹڈبحیثیت مضارب ہو گا اور  سرمایہ کار رب المال  ہو گا  ۔کاروبار کے منافع  متعین فیصد کی بنیاد پرکمپنی  اور سرمایہ کاروں کے درمیان تقسیم ہوں گے۔

اسلامی نیا پاکستان سرٹیفکیٹ (آئی این پی سی )کمپنی کی مصنوعات کی ساخت، بنیادی معاہدوں اور شرائط و ضوابط کی منظوری اسٹیٹ بینک آف پاکستان کی شریعہ ایڈوائزری کمیٹی اور میزان بینک لمیٹڈ کے شریعہ بورڈ دونوں نے دی ہے۔ میزان بینک  چونکہ بطور ایجنٹ کے ان کے ساتھ کام کر رہا ہے  اور میزان بینک کی تمام تر معاملات  مستند مفتیان کرام کی زیر نگرانی سر انجام پاتے ہیں ۔ لہذا اس میں سرمایہ کاری کرنا جائز ہے۔

مجلة الأحكام العدلية (ص: 271):

الْمَادَّةُ (1404) الْمُضَارَبَةُ نَوْعُ شَرِكَةٍ عَلَى أَنْ يَكُونَ رَأْسُ الْمَالِ مِنْ طَرَفٍ وَالسَّعْيُ وَالْعَمَلُ مِنْ الطَّرَفِ الْآخَرِ , وَيُدْعَى صَاحِبُ الْمَالِ رَبَّ الْمَالِ وَالْعَامِلُ مُضَارِبًا.

مجلة الأحكام العدلية (ص: 272):

الْمَادَّةُ (1411) يُشْتَرَطُ فِي الْمُضَارَبَةِ أَنْ يَكُونَ رَأْسُ الْمَالِ مَعْلُومًا كَشَرِكَةِ الْعَقْدِ أَيْضًا وَتَعْيِينُ حِصَّةِ الْعَاقِدَيْنِ مِنْ الرِّبْحِ جُزْءًا شَائِعًا كَالنِّصْفِ وَالثُّلُثِ وَلَكِنْ إذَا ذُكِرَتْ الشَّرِكَةُ عَلَى الْإِطْلَاقِ بِأَنْ قِيلَ مَثَلًا " الرِّبْحُ مُشْتَرَكٌ بَيْنَنَا " يُصْرَفُ إلَى الْمُسَاوَاةِ.