سوال

بٹ کوائن  کاخریدنا اور فروخت کرنا یعنی تجارت کرنا شریعت میں کیسا ہے؟میرا مطلب جائز ہے یا ناجائز؟

اَلجَوَابْ بِاسْمِ مُلْہِمِ الصَّوَابْ

بٹ کوائن ایک ڈیجیٹل  اثاثہ ہے  جسے غلط فہمی میں کرنسی بھی کہا جاتا  ہے ، جس کا تبادلہ یا خرید و فروخت ڈیجیٹل پلیٹ فارمز پر کیا جاتا ہےاور اس کا کوئی حسی  وجود نہیں ہے، لہذا  بٹ کوائن اور دوسری ڈیجیٹل کرنسیوں کا     کوئی حسی وجود  نہ ہونے کے ساتھ ساتھ ہمارے ملک میں  اس کی کوئی قانونی حیثیت بھی نہیں ہے، اس لیے بحالتِ موجودہ فراڈ   اور قانونی بے ضابطگیوں کے پیشِ نظر اس کے لین دین سے احتراز لازم ہے۔

قال العلامۃ ابن نجیم رحمہ اللہ: وأما ‌شرائط ‌المعقود ‌عليه فأن يكون موجودا مالا متقوما مملوكا في نفسه وأن يكون ملك البائع فيما يبيعه لنفسه وأن يكون مقدور التسليم فلم ينعقد بيع المعدوم وما له خطر العدم.

(البحر الرائق :5/ 279)

قال العلامۃ ابن عابدین رحمہ اللہ: وشرط المعقود عليه ستة: كونه موجودا مالا متقوما مملوكا في نفسه، وكون الملك للبائع فيما يبيعه لنفسه، وكونه مقدور التسليم فلم ينعقد بيع المعدوم وما له خطر العدم.       ( رد المحتار:4/ 505)