سوال

ایک آدمی فوت ہوگیاہے  ،اس کے نام پر ایک مکان ہے، اس کی دو بیٹیاں  اور ایک  بیوی ہے   ،آیا وراثت میں متوفی کے بہن بھائیوں   کا حق ہے؟

اَلجَوَابْ بِاسْمِ مُلْہِمِ الصَّوَابْ

صورت مسئولہ میں بیوی کو کل مال کا آٹھواں حصہ،دو بیٹیوں کو دو تہائی ملے گا،باقی مال بہن بھائیوں میں تقسیم ہوگا، بھائیوں کو بہنوں سے دوگنا ملے گا۔

قال العلامۃ الحصکفی رحمہ اللہ :ثم العصبات بأنفسهم أربعة أصناف جزء الميت ثم أصله ثم جزء أبيه ثم جزء جده.(الدر المختار مع رد المحتار: 774/6)

وقال رحمہ اللہ :فیبدأ بأصحاب الفرائض ...ثم بالعصبات من جھۃ النسب.(السراجی فی المیراث :ص،16)

قال العلامۃ السراج الدین رحمہ اللہ :أما العصبۃ بنفسہ ...وھم أربعۃ أصناف : جزء المیت ،وأصلہ ، وجزء أبیہ وجزء جدہ .(السراجی فی المیراث :ص،54)

وقال رحمہ اللہ :وأما للأخوات لأب وأم فأحوال خمس...ومع الأخ لأب وأم للذکر مثل حظ الأنثیین ، یصرن بہ عصبۃ .( السراجی فی المیراث:ص،39)