سوال

جاز کیش میں سلام انویسٹمنٹ کے نام سے ایک فیچر ہے ،جسے انہوں نے اسلامک انویسٹمنٹ کا بھی نام دیا ہوا ہے ، وہاں رقم انویسٹ کرنے پر سالانہ  فیصد کے حساب سے منافع دیا جاتا ہے  ۔کیا  ہم وہاں انویسٹ کر کے منافع حاصل کر سکتے ہیں ؟ جزاک اللہ خیرا

اَلجَوَابْ بِاسْمِ مُلْہِمِ الصَّوَابْ

 جاز کیش (JazzCash) میں موجود آپشن "اسلامک سیونگ پلان " کی تفصیلات سے معلوم ہوتا ہے کہ اس کی بنیاد تکافل پر رکھی گئی ہے، اور اس سلسلے میں وہ" سلام تکا فل " نامی کمپنی کے ساتھ معاملات کرتے ہیں ۔

   چونکہ تکافل کا مسئلہ ہمارے ہاں ابھی زیر غور ہے، اس لیے اس بنیاد پر کام کرنے والے "سلام سیونگ" پر  فی الوقت کوئی حتمی حکم نہیں لگایا جا سکتا۔ البتہ بعض دیگر دار الافتاءچونکہ تکافل کے جواز کا فتوی دے چکے ہیں، لہذا ضرورت کےوقت ان سے رجوع کیا جاسکتا ہے۔

(ماخوذ از تبویب86333)