سوال

Apki. Bivi. Ko. Kaha ager Tum. ny mery cash main. Sy Dhanya,,podian khareda to Mera tumhara taluq khatam,,,, TU is. Surat. Main nikah Raha. Ya. Nahi

تنقیح:میں نے اپنی بیوی سے کہا:اگر تم نے میرے کیش میں سے دھنیا اور پودینہ خریدا تو میرا تیرا تعلق ختم ۔اس صورت میں نکاح باقی رہا یا نہیں؟

اَلجَوَابْ بِاسْمِ مُلْہِمِ الصَّوَابْ

 "میرا تیراتعلق ختم " کے الفاظ طلاق کے لیے  کنائی الفاظ میں سے ہیں ،لہذا اگرمذکورہ  الفاظ  کی ادائیگی کے وقت طلاق کی نیت نہ تھی تو اس سے طلاق واقع نہ ہو گی۔لیکن اگریہ الفاظ کہتے وقت آپ کی نیت طلاق دینے کی تھی تو بیوی کوآپ کے کیش سے دھنیا اور پودینہ خریدنے  کی صورت میں  ایک طلاق  بائن واقع ہوجائےگی ۔ نئے مہر کے ساتھ گواہوں کی موجودگی میں دوبارہ تجدید نکاح کرنا لازم ہوگااور آئندہ شوہر کو  (اگر اس سے پہلے کوئی طلاق نہیں دی ہے  ) فقط دو طلاقوں کا حق حاصل ہوگا۔

‌‌قال العلامۃ ابن عابدین رحمہ اللہ تعالٰی:(كنايته) عند الفقهاء (ما لم يوضع له) أي الطلاق (واحتمله) وغيره (ف) الكنايات (لا تطلق بها) قضاء (إلا بنية أو دلالة الحال).(الردعلی الدر:(296/3

قال أصحاب الفتاویٰ الھندیۃرحمھم اللہ تعالٰی: وفي الفتاوى، ‌لم ‌يبق ‌بيني ‌وبينك ‌عمل ‌ونوى، ‌يقع كذا في العتابية.(الھندیۃ:(372/1

قال العلامۃ  عثمان الزیلغي رحمہ اللہ تعالٰی :إنما يصح في الملك، كقوله لمنكوحته: إن زرت فأنت طالق...فيقع    بعده أي يقع الطلاق بعد وجود الشرط.( تبيين الحقائق(231/2:

قال أصحاب الفتاویٰ الھندیۃرحمھم اللہ تعالٰی :إذا كان الطلاق بائنا دون الثلاث فله أن يتزوجها في العدةوبعد انقضائها.(الھندیۃ:(472/1