سوال

کیا فرماتے ہیں مفتیان کرام کہ نیلامی میں کاروں کا معائنہ اور درجہ بندی کی جاتی ہے ۔ خریدار گاڑی کا معائنہ کر سکتا ہے اور خریداری سے پہلے نیلامی شیٹ کا جائزہ لے سکتا ہے۔ اگر معائنے کے دوران کوئی خرابی پائی جاتی ہے تو میں اس کے مطابق قیمت کو ایڈجسٹ کرتا ہوں۔اگر میں نادانستہ طور پر ایسی کار بیچتا ہوں، جس میں معائنہ ٹیم کی غلطی ہو گئی ہو تو کیا میں گناہ گار ہوں گا؟ 

اَلجَوَابْ بِاسْمِ مُلْہِمِ الصَّوَابْ

اگر آپ شفافیت اور دیانتداری کے ساتھ گاڑیوں کا معائنہ کروا کر خرابیوں کی نشاندہی کرتے ہیں اور خریدار بھی گاڑیوں کا معائنہ کر لیتا ہے تومعائنہ ٹیم کی غلطی کی وجہ سے  آپ گناہ گار نہیں ہوں گے۔ تاہم آپ آئندہ معائنہ کے عمل کو مزید بہتر بنانے کے لیے اقدامات کریں تاکہ ایسی غلطیوں سے بچا جا سکے۔