سوال

السلام علیکم ورحمۃ اللہ وبرکاتہ مفتی صاحب میرا سوال یہ ہے کہ میرے والد صاحب نائی یعنی حجم ہیں وہ بال کاٹنے کے ساتھ ساتھ لوگوں کی داڑھی بھی کاٹتے ہیں اور مونڈتے ہیں سوال یہ ہے کہ داڑھی کٹوانا تو حرام ہے کیا کاٹنا بھی حرام ہے اور اس کاٹنے سے جو کمائی حاصل ہو رہی ہے اس کمائی کا شریعت میں کیا حکم ہے؟

اَلجَوَابْ بِاسْمِ مُلْہِمِ الصَّوَابْ

داڑھی کاٹنا ناجائز ہے اور اس کی آمدن حلال نہیں ،اسے ثواب کی نیت کیے بغیر صدقہ کرنا لازم ہے۔

الهداية في شرح بداية المبتدي (3/ 238 (

ولا يجوز الاستئجار على الغناء والنوح، وكذا سائر الملاهي؛ لأنه استئجار على المعصية والمعصية لا تستحق بالعقد.

الدر المختار مع رد المحتار (6/ 55)

وفي المنتقى: امرأة نائحة أو صاحبة طبل أو زمر اكتسبت مالا ردته على أربابه إن علموا وإلا تتصدق به