سوال

السلام علیکم ایک بندے نے اپنی بیوی سے بہت جھگڑا کیا اور بار بار ڈرانے کی وجہ سے طلاق کی دھمکی دیتا رہا پھر بیوی کو کہا کہ ایک مہینے ایسے ہی گھر میں رہو پتہ چل جائے گا کہ کیسا لگتا ہے ،جب دماغ ٹھیک ہو جائے تو آجانا، گھر والوں کو کہنا طلاق دے دی ہے ،شوہر کا مقصد تھا کہ میرے بغیر ایسے ہی رہ کر دیکھو احساس ہو گا طلاق کے بعد کیسی زندگی ہوتی ہے ؟کیا طلاق واقع ہوگئی ہے ؟

اَلجَوَابْ بِاسْمِ مُلْہِمِ الصَّوَابْ

صورت مسؤلہ میں اگر شوہر کی نیت طلاق کی نہ ہو تو  دیانۃ طلاق نہیں ہو گی ،لیکن قضاء طلاق ہوجائے گی ،یعنی اگر عورت عدالت میں جائے تو قاضی طلاق کا فیصلہ کرے گا ،لیکن اگر اسےشوہر کی وضاحت پر اطمینان ہے تو وہ عدالت نہ جائے،تو دیانۃً کوئی طلاق نہیں ہوگی۔

ردالمحتار(236/3)
وفي الخانية: ولو أقر بالطلاق كاذبا أو هازلا وقع قضاء لا ديانة.

البحر الرائق :326/4)

لو أكره على أن يقر بالطلاق فأقر لا يقع كما لو أقر بالطلاق هازلا أو كاذبا كذا في الخانية من الإكراه ومراده بعدم الوقوع في المشبه به عدمه ديانة لما في فتح القدير ولو أقر بالطلاق وهو كاذب وقع في القضاء .