سوال

میری بیوی کے ساتھ موبائل پر بات ہو رہی تھی۔ اس نے مذاق میں کہا: "مجھے طلاق دے دو۔" میں نے کہا:طلاق ہی سمجھو۔ اس نے کہا: تین دے دو۔میں نے کہا: ایسا ہی سمجھو۔لیکن میری اس میں طلاق دینے کی کوئی نیت نہیں تھی، اور اس کے بعد ہم دونوں ساتھ ہی رہے۔ اب اس سوال کے بارے میں بتائیے، اس کا جواب فتوے کے ذریعے دیں اور ساتھ میں حوالہ بھی اردو ترجمہ کے ساتھ ذکر کریں۔

اَلجَوَابْ بِاسْمِ مُلْہِمِ الصَّوَابْ

صورتِ مذکورہ میں طلاق واقع نہیں ہوئی، ”طلاق ہی سمجھو“ کہنے سے طلاق واقع نہیں ہوتی، آپ کا نکاح بدستور برقرار ہے۔فتاویٰ عالمگیریہ میں ہے کہ: "ولو قال: داده إنكار أو كرده إنكار" سے طلاق واقع نہیں ہوگی۔"دادہ انگار" کا معنی ہے"دی ہوئی سمجھ"  چونکہ اس میں طلاق کا انشاء نہیں ہے، اس لیے اس سے طلاق واقع نہیں ہوگی۔

الفتاوى العالمكيرية = الفتاوى الهندية (1/ 380):

امرأة ‌قالت ‌لزوجها: " ‌مرا طلاق ده " فقال الزوج: " داده كيرو كرده كير " أو قال " داده باد وكرده بادان نوى " يقع ويكون رجعيا وإن لم ينو لا يقع ولو قال: داده است أو كرده است يقع نوى أو لم ينو ولا يصدق في ترك النية قضاء ولو قال: داده إنكار أو كرده إنكار لا يقع وإن نوى ولو قال لها بعدما طلبت الطلاق: داده كير وبر.