سوال

میری امی نے کسی سے سنا ہے کہ میرے ابا کو وراثت میں حصہ  نہیں ملےگا ؛کیونکہ دادا نے  ان کی بیٹی کو پالا پوسا اور شادی بھی کروادی ۔

2۔ کیا صرف اس وجہ سے کہ دادا دادی نے میرے والد کی بیٹی کی پرورش کی، اس کا خرچ اٹھایا اور اس کی شادی کر دی، میرے والد اپنے شرعی وراثتی حصے سے محروم ہو جائیں گے؟

اَلجَوَابْ بِاسْمِ مُلْہِمِ الصَّوَابْ

واضح رہے کہ دادا دادی کا اپنی پوتی کی پرورش کرنا، اس کے اخراجات اٹھانا یا اس کی شادی کرنا، شرعی طور پر "تبرع" (احسان/نیکی ) شمار ہوتا ہے۔ اس عمل کی وجہ سے آپ کے والد اپنے شرعی حصے سے محروم نہیں ہو سکتے۔ وراثت کے حصے اللہ تعالیٰ نے خود مقرر فرمائے ہیں اور والدین کی خدمت نہ کرنا یا ان سے دور رہنا (اگرچہ گناہ ہے) وارث کو محروم کرنے کی شرعی وجہ نہیں ہے۔

لہٰذا  یہ کہنا کہ "بیٹی  کو پالا پوسااورشادی بھی کروا دی ؛ اس لیے حصہ نہیں ملے گا" شرعاً بالکل غلط اور باطل ہے۔آپ کے والد کا وراثت میں حق برقرار ہے۔ جب بھی آپ کے دادا کاترکہ تقسیم کیا جائے گا تو آپ کے والد کو ان کا شرعی حصہ ملے گا۔

(بدائع الصنائع:9/161)

لَا يَجُوزُ لِأَحَدٍ أَنْ يَأْخُذَ مَالَ أَحَدٍ بِلَا سَبَبٍ شَرْعِيٍّ وإن أخذہ ولو علی ظن انہ ملکہ وجب عليه ردہ عینا إن کان قائما وإلا فیضمن قيمته إن کان قیمیا و مثله إن کان مثلیا.     

  (شرح المجلة، المادة:97/62)

"وعن أنس قال: قال رسول الله صلى الله عليه وسلم: (من ‌قطع ‌ميراث وارثه قطع الله ميراثه من الجنة يوم القيامة). رواه ابن ماجه."

) ابن عابدین، جلد 2، صفحہ 282)

إنَّ اللَّهَ تَعَالَى أَعْطَى كُلَّ ذِي حَقٍّ حَقَّهُ... لِأَنَّهُ يَتأَذَّى الْبَعْضُ بِإِيثَارِ الْبَعْضِ فَفِي تَجْوِيزِهِ قَطِيعَةُ الرَّحِمِ.