سوال

اگر کسی شخص کو کچھ سامان چاہیے اور میں اسے کہوں کہ آپ بازار جائیں، دکاندار سے سامان کی رسید/بل بنوائیں اور مجھے بھیجیں، میں دکاندار کو آن لائن رقم ادا کر دیتا ہوں، پھر آپ دکاندار سے سامان لے لیں اور مجھے ماہانہ اقساط میں رقم ادا کریں۔

.1اب   اگر سامان کی قیمت 100,000 روپے ہو اور میں 40 فیصد منافع رکھ کر 140,000 روپے اقساط میں وصول کروں، تو کیا یہ جائز ہے؟

.2 اور  اگر درج بالا صورت ناجائز ہو تو  کیا کسٹمر کو اپنا وکیل/نمائندہ (وکیل بالشراء) بنا کر پہلے میری طرف سے

سامان خریدنا، پھر اس سامان کو کسٹمر کو فروخت کرنا شرعاً درست ہوگا؟

اَلجَوَابْ بِاسْمِ مُلْہِمِ الصَّوَابْ

.1اگر حاجت مند شخص خود اپنا مطلوبہ سامان خریدے اور آپ بل آن لائن ادا کرکے اقساط کی صورت میں زیادہ وصول کریں  ، تو یہ صورت جائز نہیں  ۔

.2اگر اب تک خریداری نہ ہوئی ہو تو کسٹمر سے مطلوبہ سامان کا آرڈر لے کر، خود سامان خریدا جائے  یا کسی تیسرے فریق کو وکیل بالشراء بنایا جائے اور پھر کسٹمر پر فروخت کیا جائے، تو یہ  صورت  شرعا درست ہوجائے گی ۔

المحيط البرهاني (7/ 204):

لأن قبض الوكيل بمنزلة قبض الموكل من حيث إن الوكيل في القبض عامل للموكل.