سوال

سوال اس تمام عرصہ میں میں نے اپنے بھائی پر قانونی طور پر کیس کیا،اس پر میرا خرچہ ہوا،وہ کیس میں جیت گیا ہوں،لیکن اس کے حساب سے وہ جائیداد میرے بھائی کی ہے اور ان کی نرینہ اولاد نہ ہونے کی وجہ سے وہ تقسیم کا معاملہ بنتا ہے،مگر شرعی حکم کے مطابق تقسیم کرنا چاہتا ہوں۔

کیا میں اس کیس پر خرچ ہونے والی رقم اس جائیداد کی قیمت میں سے الگ سے وصول کرسکتا ہوں؟

تنقیح:کیس کا اقدام سائل نے خود کیا تھا،بقیہ ورثا کے ساتھ مشاورت اور انہیں اعتماد میں نہیں لیا تھا،البتہ بقیہ ورثا کو اس کے حوالے سے علم ضرور تھا۔

اَلجَوَابْ بِاسْمِ مُلْہِمِ الصَّوَابْ

چونکہ آپ نےیہ کیس خود اپنی ذاتی صوابدید پر دائر کیا تھا،بقیہ ورثا سے مشاورت کرکے انہیں اس حوالے سے اعتماد میں نہیں لیا تھا کہ اس پر آنے والے اخراجات تمام ورثا برداشت کریں گے،اس لئے اس کیس پر آنے والے اخراجات کا آپ کو جائیداد کی قیمت سے وصول کرنے کا حق نہیں ہے،الا یہ کہ تمام ورثا باہمی رضامندی سے آپ کو لینے کا اختیار دیں،بشرطیکہ تمام ورثا عاقل،بالغ ہوں۔

"الدر المختار " (6/ 284):

"أنفق بلا إذن الآخر ولا أمر قاض، فهو متبرع كمرمة دار مشتركة".