سوال

السلام علیکم! بچے کا نام عثمان ُالّرحمٰن یا حسینُ الّرحمن رکھ سکتے ہیں؟، سوال کا مقصد یہ ہے کہ عثمان اور حسین کے ساتھ الر حمن لگا سکتے ہیں؟ نیز ان ناموں میں میرے بچے کے لیے کونسا نام بہتر رہے گا۔ (۱)۔عثمان ُالّرحمٰن صدیقی (۲)۔ حسینُ الّرحمن صدیقی (۳)۔ صفی اُلّرحمن صدیقی برائے مہربانی جلد رہنمائی فرمائیں۔ عین نوازش ہوگی۔ شکریہ

اَلجَوَابْ بِاسْمِ مُلْہِمِ الصَّوَابْ

عثمان اور حسین صحابہ کرام رضی اللہ عنھم کے  نام ہیں  اور صفی کا معنی منتخب بندہ  ہے۔ ( القاموس الوحيد: ص،931)  ان ناموں کےساتھ  الرحمان لگا  سکتے ہیں،تینوں نام بہتر ہیں ۔تا ہم یہ ترکیب عام مستعمل نہیں ہے،اس لیے مفرد نام رکھیں،عثمان یا حسین تو زیادہ بہتر ہے۔البتہ صفی کو الرحمان کے ساتھ ملا کر لکھنے کا رواج ہے۔

أخرج الإمام أبو داود في "سننه" (7/303)(الحديث رقم:  4948) من حديث أبي الدرداء رضي الله عنه قال: قال رسول الله صلى الله عليه وسلم: "إنكم تدعون يوم القيامة باسمائكم وأسماء آبائكم، فاحسنوا أسماءكم"