سوال

کیا تصویر میں دو انگلیاں (✌ )دکھانے میں گناہ ہے؟

اَلجَوَابْ بِاسْمِ مُلْہِمِ الصَّوَابْ

مذکورہ علامت دو طریقوں سے استعمال ہوتی ہے:

1۔ ہتھیلی اشارہ کرنے والے کی طرف ہو۔

2۔ اس طرح کہ  نشان جسکو دکھایا جارہا ہےہتھیلی اس کی طرف ہو۔

پہلی صورت میں یہ ایک توہین کا اشارہ ہوتا ہے اور گالی کے مترادف ہے،جس میں سامنے والے کی توہین کرنا مقصود ہوتا ہے، لہذا اس طرح کے استعمال سے بچنا لازم ہے۔ اور دوسری صورت میں  یہ  فتح  کے نشان کے طور پر استعمال ہوتا ہے اور اس کا استعمال جنگ عظیم دوم کے دوران  اس میں شریک ممالک نے جیت کے نشان کے طور پر کیا تھا،  پھر بعد میں اس کو ہر طرح کی جیت کے لیے استعمال کیا جانے لگا اور اس کا رواج عام ہو گیا اب یہ کسی مخصوص ملک یا کسی مخصوص قوم کے ساتھ خاص نہیں ہے، بلکہ پوری دنیا میں استعمال ہونے والا نشان ہے، لہذا اس طور پر اسے بنانے یا  استعمال کرنے میں شرعاً   کوئی قباحت نہیں ہے۔

۔۔۔