سوال

کیا فرماتے ہیں مفتیان کرام اس مسلئہ کے بارے میں ۔ کہ ایک آدمی کا ہارڈویئر شاپ ہے وہ سال گزرنے پر اس کا زکوٰۃ ادا کرنا چاہتا ہے تو وہ زکوٰۃ قیمت خرید پر ادا کرے یا قیمت فروخت پر ؟ اگر قیمت فروخت پر ہو تو پھر قیمت فروخت کا تعین کس طرح کریں جس قیمت پر دکاندار خود سیل کرتا ہے اس کا اعتبار کیا جائے گا یا جس قیمت پر دکاندار ہول سیل مارکیٹ سے خریدتا ہے اس کا اعتبار کیا جائے ۔ چنانچہ اس کاروبار میں قیمت فروخت ایک نہیں ہوتا گاہک کے حساب سے قیمت کا تعین ہوتا ہے تو قیمت فروخت کا حساب کیسے کیا جائے ۔

اَلجَوَابْ بِاسْمِ مُلْہِمِ الصَّوَابْ

زکوۃ کے حساب میں ہمیشہ قیمت فروخت کا اعتبار ہو تا ہےقیمت خرید کا اعتبار نہیں ہوگا،اور قیمت فروخت سے مراد وہ تخمینی قیمت ہے جس پر اس تاریخ میں سامان کو بیچنا بسہولت ممکن ہو ، اس کے لیے با ضابطہ فروخت کرنا ضروری نہیں ۔

قال العلامة ابن نجیم  رحمه الله: ويقوم العرض بالمصر الذي هو فيه حتى لو بعث عبدا للتجارة في بلد آخر يقوم في ذلك الذي فيه العبد كذا في فتح القدير. ثم عند أبي حنيفة تعتبر القيمة يوم الوجوب، وعندهما يوم الأداء. (البحرالرائق :2/247)

قال العلامة ابن عابدین رحمه الله: وقدم الشارح عند قوله وجاز دفع القيمة أنها تعتبر يوم الوجوب، وقالا يوم الأداء كما في السوائم، ويقوم في البلد الذي المال فيه .(ردالمحتار : 2/299)

قال العلامة ابن الھمام رحمه الله:قوله:( يقومها) أي المالك في البلد الذي فيه المال حتى لو كان بعث عند التجارة إلى بلد أخرى لحاجة فحال الحول يعتبر قيمته في ذلك البلد، ولو كان في مفازة تعتبر قيمته في أقرب الأمصار إلى ذلك الموضع، وكذا في الفتاوى.(فتح القدیر : 2/219)