سوال

زید کو ایک شخص نے زکوٰۃ کی مد میں دو کمروں پر مشتمل   فلیٹ دیا ، جس پر زید کا قبضہ میں بھی کروا دیا گیاتھا ، زید اس کے بعد اس فلیٹ میں رہائش پذیر بھی رہا،تاہم اب مذکورہ شخص نے وہ فلیٹ  واپس لے لیا ہے ، کیا زکوٰۃ کی مد میں دیا گیا یہ فلیٹ  واپس لینا   جائز  ہے؟

اَلجَوَابْ بِاسْمِ مُلْہِمِ الصَّوَابْ

صورت مسئولہ میں زید  زکوۃ کی مد میں دیے گئے فلیٹ  کا مالک ہے،مذکورہ شخص  کی جانب سے فلیٹ واپس لینا شرعاً درست نہیں۔

البحر الرائق شرح كنز الدقائق ومنحة الخالق وتكملة الطوري (2/ 216):

(الزکوۃ)وفي اصطلاح الفقهاء ما ذكره المصنف (قوله هي تمليك المال من فقير مسلم غير هاشمي، ولا مولاه بشرط قطع المنفعة عن المملك من كل وجه لله - تعالى ۔)

بدائع الصنائع في ترتيب الشرائع (2/ 5):

وأما الحقيقة فإن الزكاة تمليك المال من الفقير، والمنتفع بها هو الفقير۔