سوال

میں نے بیوی کو کہا اگر تم نے میری اجازت کے بغیر گھر سے باہر قدم رکھا تو میں تمہاری ٹانگیں توڑ دوں گا۔بیوی نے کہا میں نے سنا ہے کہ تم نے کہا ہے '' میں نکاح توڑ دوں گا ''۔میں نے قرآن پر ہاتھ رکھ کر حلف دیا بیوی کو میری بات پر یقین آگیا۔

 اگر طلاق کی نیت کے بغیر کہے '' اگر تم نے میری اجازت کے بغیر گھر سے باہر قدم رکھا تو میں نکاح توڑ دوں گا ''۔کیا اس طرح کہنے سے اس کی بیوی مطلقہ بن جائے گی؟

اَلجَوَابْ بِاسْمِ مُلْہِمِ الصَّوَابْ

'' نکاح توڑ دوں گا '' سے مستقبل میں طلاق دینے کے ارادے کا اظہار ہے۔ مستقبل میں طلاق دینے  کا ارادہ ظاہر کرنے سے طلاق نہیں ہوتی، اس لیے اگر شوہر نے یہ الفاظ کہے تو نہ یہ تعلیقِ طلاق ہے اور نہ ہی ابھی کوئی طلاق واقع ہوئی ہے۔

الفتاوی الھندیۃ:(1/384)

قالت لزوجها من باتو نميباشم فقال الزوج مباش فقالت طلاق بدست تو است مرا طلاق كن فقال الزوج طلاق ميكنم طلاق ميكنم وكرر ثلاثا طلقت ثلاثا بخلاف قوله كنم ‌لأنه ‌استقبال فلم يكن تحقيقا بالتشكيك.

فتح القدیر:(4/7)

ولا ‌يقع ‌بأطلقك إلا إذا غلب في الحال، ولو قالت أنت طالق فقال: نعم طلقت. ولو قال له في جواب طلقني لا تطلق وإن نوى. ولو قيل له: ألست طلقتها فقال: بلى طلقت أو نعم لا تطلق.

البحر الرائق:(3/271)

وليس منه ‌أطلقك ‌بصيغة ‌المضارع إلا إذا غلب استعماله في الحال كما في فتح القدير.