سوال

ایک شخص (زید) فوت ہوا ،اور اس نے ترکہ مبلغ تیس لاکھ(3000000)چھوڑا ہے۔ اس کے ورثاء میں ایک زوجہ ، ایک ابن اور دو بنات ہیں۔ برائے کرم اس مسئلے کو شرعی طریقے سے حل کریں۔

اَلجَوَابْ بِاسْمِ مُلْہِمِ الصَّوَابْ

زیدکے انتقال کے بعد اس کے ترکہ کی تقسیم شریعت کے مطابق اس ترتیب سے ہوگی کہ سب سے پہلے اس کے مال سے سنت کے مطابق تجہیز و تکفین کے اخراجات منہا کیے جائیں گے،بشرطیکہ وہ کسی نے  بطور احسان ادا نہ کیے ہوں۔ اس کے بعد اگر ان کے ذمہ  کوئی واجب الادا قرض ہو تو اسے ادا کیا جائے گا۔ پھر اگر انہوں نے کسی غیر وارث کے لیے کوئی  جائز  وصیت کی ہو،  تو وہ بقیہ  مال کے صرف ایک تہائی (1/3) حصے تک نافذ کی  جائے گی۔ درج بالا تین امور کی ادائیگی کے بعد جو مال باقی بچے گا، وہ   ورثاء میں درج ذیل تفصیل سےتقسیم کیا جائے گا:

مذکورہ  امور کی ادائیگی کے بعد کل ترکہ 32 برابرحصوں میں تقسیم ہو گا، جن میں سے  بیوہ کو چارحصے  ملیں گے۔دونوں بیٹیوں میں سے ہر ایک کو  سات سات حصے ،اور مرحوم کے بیٹے کو چودہ حصے ملیں گے۔

فیصدی اعتبار سے کی بیوہ کو12.5،ہر ہر  بیٹی کو 875.21،اور بیٹے کو 75.43 فیصد ملیں گے۔

ذیل میں تقسیم میراث کا نقشہ ملاحظہ ہو:

(قال الله تعالى : النساء : 12،1):

يُوصِيكُمُ اللَّهُ فِي أَوْلَادِكُمْ لِلذَّكَرِ مِثْلُ حَظِّ الْأُنثَيَيْنِ ...........فَإِن كَانَ لَكُمْ وَلَدٌ فَلَهُنَّ الثَّمُنُ مِمَّا تَرَ كُتُم ممِّن بَعْدِ وَصِيَّةٍ تُوصُونَ بِهَا أَوْ دَيْنٍ...الخ.

(الدر المختار :10/544):

وأما مع ولد البنت ( فيفرض للزوجة فصاعدا الثمن مع ولد أو ولد ابن).

(الدر المختار  :6/770 ):

 فيفرض لها الربع ( وإن سفل، والربع لها عند عدمهما ) فللزوجات حالتان الربع بلا ولد والثمن مع الولد.

(فتاوِی الھندیۃ:6/448)

 واذا اختلط البنون والبنات عصب البنون البنات فیکون للابن مثل حظ الانثیین.