ایک عورت نے اپنے شوہر کو غصہ میں بولا ’’ کہ اگر تم نے میرے ساتھ ہمبستری کی تو ایسا سمجھو کہ تم نے اپنی بہن کے ساتھ کی ‘‘ یہ اس لئے بولاتھا کہ اس کا شوہر غلط راستوں پر چل رہاتھا ، اب اس عورت کے لئے کیا حکم ہے؟ جبکہ یہ پندرہ سال پہلے کا واقعہ اور اب تک دونوںایک ساتھ رہ رہے ہیں ۔
اَلجَوَابْ بِاسْمِ مُلْہِمِ الصَّوَابْ
صورت مسئولہ میں عورت کے ان الفاظ سے دونوں کے نکاح میں کوئی فرق نہیں پڑا ،کیونکہ عورت کےالفاظ طلاق استعمال کرنے سے طلاق واقع نہیں ہوتی، نیز یہ الفاظ بھی طلاق کے نہیں ہیں بلکہ گالی کے الفاظ ہیں ، لہذا اگر عورت کے اس جملہ کے علاوہ نکاح کو ختم کرنے والی کوئی اور بات نہ ہو تو دونوں کے لئے میاں بیوی کی حیثیت سےاکٹھے زندگی گذار نا جائز ہے
حوالہ جات
الدر المختار وحاشية ابن عابدين (رد المحتار) (3/ 235)
(ويقع طلاق كل زوج بالغ عاقل) ولو تقديرا بدائع، ليدخل السكران (ولو عبدا أو مكرها) فإن طلاقه صحيح لا إقراره بالطلاق
الفتاوى الهندية (8/ 89)
( فصل فيمن يقع طلاقه وفيمن لا يقع طلاقه ) يقع طلاق كل زوج إذا كان بالغا عاقلا سواء كان حرا أو عبدا طائعا أو مكرها كذا في الجوهرة النيرة
