میرا نام محمد ابراہیم ہے ،اور میں اسٹیٹ بینک میں ایچ آر ڈیپارٹمنٹ میں کام کرتا ہوں ۔میرا کام مختلف چیزوں کی خریداری جیسے اسٹیشنری ،کمپیوٹر ہارڈویئر کی خریداری اور ملازمین کی چھٹیوں کا حساب رکھنا شامل ہے، توکیا میرے لیے اس ادارہ میں نوکری کرنا درست ہے؟
اَلجَوَابْ بِاسْمِ مُلْہِمِ الصَّوَابْ
اگر واقعۃً مذکور شخص کا کام صرف اسٹیشنری ،کمپیوٹر ہارڈویئر کی خریداری ،ملازمین کی چھٹیوں کا حساب رکھنا ہو،اورکسی سودی لین دین یا سودی لکھت پڑھت وغیرہ سے کوئی تعلق نہ ہو،تومذکورہ ملازمت اور اس پر ملنے والی تنخواہ جائز ہے۔