سوال

مسجد میں کمبل کی بنی ہوئی موٹی اور نرم جائے نماز پر سجدہ کرنا جائز ہے یا نہیں؟اس کے بارے میں وضاحت فرمادیں کہ اس پر سجدہ ادا ہوتا ہے یا نہیں؟

اَلجَوَابْ بِاسْمِ مُلْہِمِ الصَّوَابْ

اگرایسی موٹی جائے نماز پر سجدہ کرتے وقت پیشانی کسی ایک جگہ پرجم جاتی ہے اور پیشانی میں مکمل ٹھہراوٴ اور سکون پیدا ہو جاتا ہے ، خواہ تھوڑے دباوٴ کے ذریعے ٹھہراوٴ حاصل ہو، تو اس پر سجدہ کرنا جائز ہے ، اس سے سجدہ ادا ہوجاتا ہے ۔ اور اگر سجدہ کرتے وقت تھوڑے دباوٴ کے باوجود پیشانی کسی ایک جگہ جمتی نہیں ہے ،بلکہ مزید دبتی جاتی ہو ، تو اس پر سجدہ ادا نہیں ہوگا۔

وفی  الدر المختار مع رد المحتار( 1/452):

وشرط سجود فالقرار لجبہة۔

قولہ: (وشرط سجود) مبتدأ ومضاف إليه (فالقرار) خبر بزيادة الفاء (لجبهة) أي يفترض أن يسجد على ما يجد حجمه بحيث إن الساجد لو بالغ لا يتسفل رأسه أبلغ مما كان عليه حال الوضع، فلا يصح على نحو الأرز والذرة، إلا أن يكون في نحو جوالق، ولا على نحو القطن والثلج والفرش إلا إن وجد حجم الأرض بكبسه