سوال

       زید ایک مدرسہ میں مدرس  ہے ،اس کا ایکسیڈنٹ  ہوا ،جس  میں اسے ایسی  تکلیف  لاحق  ہوئی ،جس  کی وجہ سے  ایک ماہ  تک گھر  میں پڑا  رہا،اور پورے مہینہ  میں  ایک دن بھی مدرسہ میں  حاضر  نہ ہوسکا ، توکیا زید  اس ماہ کی تنخواہ  لینے کا مستحق  ہے یانہیں ؟

اَلجَوَابْ بِاسْمِ مُلْہِمِ الصَّوَابْ

یہ ناگہانی  حادثہ  ہے ،اس کے متعلق  مدرسہ کے ضابطہ اور  مدرس کے ساتھ  جو معاہدہ  ہوا ،اس پر  عمل کیاجائے گا۔یعنی  اگر  ضابطہ  میں یہ بات ہو کہ  ناگہانی  حادثہ  پیش  آنے کی صورت میں تنخواہ  دیجائے گی  تو مدرس  تنخواہ کا حقدار ہوگا۔ اگر ضابطہ میں یہ بات نہ ہو انتظامیہ کو چاہئے کہ ان کے لئے الگ سے چندہ کرکے  علاج معالجہ اور تنخواہ کی مد میں  ان کے ساتھ تعاون کریں ۔

حوالہ جات

قالَ رسولُ اللَّهِ صلَّى اللَّهُ عليهِ وسلَّمَ : المسلمونَ على شروطِهم .

أخرجه أبو داود (3594 )، وابن الجارود في ((المنتقى)) (1001 )، وابن حبان (5091 )

احسان اللہ شائق عفا اللہ عنہ    

       دارالافتاء جامعة الرشید     کراچی

١۰ ربیع  الاول ١۴۴۲ھ

واللہ سبحانہ وتعالی اعلم