سوال

تجربے کے جعلی سرٹیفیکیٹ کی بناء پر اگر انجینئر کو کسی اور جگہ نوکری ملتی ہے،یا وہ اس جعلی سرٹیفیکٹ کی بنیاد پر مزید اس سے اعلی سرٹیفیکٹ لیتا ہے تو اس کا کیا حکم ہے؟

اَلجَوَابْ بِاسْمِ مُلْہِمِ الصَّوَابْ

جعلی سرٹیفیکیٹ بنوانا گناہ کبیرہ ہے،کیونکہ یہ جھوٹ اور دھوکہ ہے،لہذا اس کی بنیاد پر نوکری حاصل کرنا یا اس سے اعلی درجے کا سرٹیفیکیٹ حاصل کرنا جس کا مدار اس پر ہو بھی گناہ ہے،البتہ نوکری ملنے کی صورت میں اگر ملنے والے کام کی اہلیت ہو اور دیانتداری سے اپنا کام سرانجام دے تو تنخواہ حلال ہوگی،کیونکہ تنخواہ کام کی دی جاتی ہے۔

حوالہ جات

صحيح مسلم (1/ 99)

عن أبي هريرة أن رسول الله صلى الله عليه وسلم مر على صبرة طعام فأدخل يده فيها، فنالت أصابعه بللا فقال: «ما هذا يا صاحب الطعام؟» قال أصابته السماء يا رسول الله، قال: «أفلا جعلته فوق الطعام كي يراه الناس، من غش فليس مني»

"رد المحتار" (3/ 156):

"والأجرة إنما تكون في مقابلة العمل".

محمد طارق

دارالافتاءجامعۃالرشید

10/ربیع الثانی1442ھ

واللہ سبحانہ وتعالی اعلم