سوال

ٹوٹیوں کے ذریعے تمام پانی نکال کرٹینکی خالی کرکےموٹر سے اتنا پانی بھر دیاجائے کہ ٹنکی کے اوپر لگے پائپ سے پانی گرنا شروع ہوجائے۔یہ جاری پانی ہوگیاہے۔اس طرح کرنے سے اندر کی نجاست اور ٹنکی پائپ سب پاک ہوگئے۔

 سوال یہ ہے کہ آخر میں کچھ پانی ٹینکی میں رہ جاتا ہے،اب دوبارہ صاف پانی بھرنے سے وہ ناپاک تو نہیں ہوگا؟ اس لیے کہ نجاست تو پوری طرح نکالی نہیں ہے۔۔اب کیا حکم ہوگا؟ وضاحت فرمائیں۔

اَلجَوَابْ بِاسْمِ مُلْہِمِ الصَّوَابْ

اگر بہنے والی نجاست تھی تو جاری پانی کے حکم میں ہونے کی وجہ سے تمام پانی پاک ہوگیا ہے،ٹینکی میں کوئی نجس پانی نہیں رہاہے،اس لیے اب سارا پانی نکالنا ضروری نہیں،نجاست اگر جسم دار ہوتو وہ پہلے ہی نکالنا ضروری ہے ۔اس کے بعد ٹینکی پاک کرنے کا یہ طریقہ اپنایا جائے گا۔جس سے بقیہ تمام پانی خود بخود پاک ہوجائے گا۔

حوالہ جات

سید نوید اللہ

دارالافتاء،جامعۃ الرشید

26/جمادی الاولی1442ھ

واللہ سبحانہ وتعالی اعلم