سوال

کیا فرماتے ہیں مفتیان کرام اس مسئلہ کے بارے میں کہ  کیا ہمارے نبی اکرم صلی اللہ علیہ وسلم کا سایہ تھا؟

اَلجَوَابْ بِاسْمِ مُلْہِمِ الصَّوَابْ

راجح قول کے مطابق آپ صلی اللہ علیہ وسلم  کا سایہ تھا۔

آپ صلی اللہ علیہ وسلم کا    سایہ نہ ہونا جیسا کہ مشہور ہے، کسی صحیح و صریح روایت سے ثابت نہیں ۔ اس کے برخلاف احادیث  صحیحہ سے  سایہ ہونا ثابت ہوتا ہے۔

امام احمد بن حنبل رحمہ اللہ نے اپنی مسند میں ام المؤمنین حضرت زینب رضی اللہ تعالی عنہا کا ایک واقعہ نقل کیا ہے، اس میں حضور اقدس صلی اللہ علیہ وسلم کا دوپہر کے وقت تشریف لانا، اور آپ صلی اللہ علیہ وسلم کا سایہ ہونا، صاف صاف مذکور ہے۔

مزید تفصیل کے لیے مفتی محمد شفیع عثمانی صاحبؒ   کا رسالہ "مامول المقبول فی ظل الرسول"  مطالعہ فرمائیں۔

حوالہ جات

عن عائشة، أن رسول الله صلى الله عليه وسلم كان في سفر له، فاعتل بعير لصفية، وفي إبل زينب فضل، فقال لها رسول الله صلى الله عليه وسلم: " إن بعيرا لصفية اعتل، فلو أعطيتها بعيرا من إبلك، فقالت: أنا أعطي تلك اليهودية؟

 قال: فتركها رسول الله صلى الله عليه وسلم ذا الحجة والمحرم شهرين، أو ثلاثة، لا يأتيها، قالت: حتى يئست منه، وحولت سريري،

قالت: فبينما أنا يوما بنصف النهار، إذا أنا بظل رسول الله صلى الله عليه وسلم مقبل .(مسند أحمد، حدیث نمبر: 25003)

عن صفية بنت حيي رضي اللہ تعالی عنہا: أن النبي صلى الله عليه وسلم حج بنسائه، فلما كان في بعض الطريق  ...... فلما كان شهر ربيع الأول، دخل عليها، فرأت ظله،

 فقالت: إن هذا لظل رجل، وما يدخل علي النبي صلى الله عليه وسلم، فمن هذا؟ فدخل النبي صلى الله عليه وسلم. (مسند أحمد، حدیث نمبر: 26866)

عبدالعظیم

دارالافتاء، جامعۃالرشید ،کراچی

19/ربیع الثانی 1443 ھ                   

واللہ سبحانہ وتعالی اعلم