75108 | نماز کا بیان | مسافر کی نماز کابیان |
سوال
کیا فرماتے ہیں مفتیان کرام اس مسئلہ کے بارے میں کہ ایک شخص کا گھر لاہور میں ہے، لیکن وہ پڑھائی کے سلسلے میں اسلام آباد گیا ہوا ہے۔ اب اگر وہ شخص دو دن کے لیے واپس اپنے گھر لاہور آئے گا تو وہ قصر نماز پڑھے گا یا پوری نماز ادا کرنا لازمی ہوگی؟
اَلجَوَابْ بِاسْمِ مُلْہِمِ الصَّوَابْ
لاہور اس شخص کا وطن اصلی ہے، اس لیے اپنے گھر میں پوری نماز پڑ ھے گا۔
حوالہ جات
قال العلامۃ الحصکفی رحمہ اللہ تعالی :
الوطن الأصلي هو موطن ولادته أو تأهله أو توطنه يبطل بمثله إذا لم يبق له بالأول أهل، فلو بقي لم يبطل بل يتم فيهما.
قال العلامۃ ابن عابدین رحمہ اللہ تعالی :
(قوله بل يتم فيهما) أي بمجرد الدخول وإن لم ينو إقامة.
( الدر المختار مع رد المحتار: 2/132)
قال العلامۃ ابن نجیم رحمہ اللہ تعالی :
(قوله ويبطل الوطن الأصلي بمثله لا السفر ووطن الإقامة بمثله والسفر والأصلي) ؛ لأن الشيء يبطل بما هو مثله لا بما هو دونه فلا يصلح مبطلا له. (البحر الرائق: 2/147)
عبدالعظیم
دارالافتاء، جامعۃالرشید ،کراچی
17/جمادی الاولی 1443 ھ
واللہ سبحانہ وتعالی اعلم
مجیب | عبدالعظیم بن راحب خشک | مفتیان | فیصل احمد صاحب / شہبازعلی صاحب |