021-36880325,0321-2560445

بِسْمِ اللَّـهِ الرَّحْمَـٰنِ الرَّحِيمِ

ask@almuftionline.com
AlmuftiName
فَسْئَلُوْٓا اَہْلَ الذِّکْرِ اِنْ کُنْتُمْ لاَ تَعْلَمُوْنَ
ALmufti12
پانچ بیٹوں ، چار بیٹیوں اور ایک بیوہ میں تقسیم ِ میراث
72054تقسیم جائیداد کے مسائلمتفرّق مسائل

سوال

تمام ورثاء نے متفقہ ایک پنچائیت میں فیصلہ کیا ہے کہ کل جائیداد کی مالیت 4کروڑ 22لاکھ روپےہے۔جس میں پراپرٹی  ڈیڑھ کروڑ،دو گھر 2کروڑ 38لاکھ ،مکان 19لاکھ اور 15لاکھ   مالیت کی دوگاڑیاں شامل ہیں۔ورثہ میں پہلی بیوی(مرحومہ) سے ایک بیٹااور دو بیٹیاں جن میں سے ایک لاپتہ ہے ۔ دوسری بیوی  اور ان سے 4 بیٹےاور دو بیٹیاں  ۔اب یہ 4کروڑ 22لاکھ اور مزید جو بھی نقدی ،جائیداد ،سونا، چاندی یا کوئی چھوٹا بڑا سامان ہے ،وہ مذکورہ ورثاء میں کس تناسب سے تقسیم ہوگا؟

تنقیح:بیٹی کی حیات کا علم ہے پر گزشتہ 19سال سے رابطہ نہیں ہوا ہے۔

اَلجَوَابْ بِاسْمِ مُلْہِمِ الصَّوَابْ

مرحوم نے انتقال کے وقت اپنی ملکیت میں جو کچھ منقولہ و غیر منقولہ، مال و جائداد،رقم ،سونا ، چاندی ،کپڑوں سمیت ہرقسم کا چھوٹا بڑا ساز و سامان چھوڑاہے اور مرحوم کا وہ قرض جس کی ادائیگی کسی شخص یا ادارے کے ذمے واجب ہے ،یہ سب ان کا ترکہ ہے ۔

سب سے پہلے ان کے کفن و دفن کے متوسط اخراجات    نکالیں اور جس نے کئے ہوں اس کو ادا کردئے جائیں ، اگریہ اخراجات کسی نے اپنی طرف سے احسان کےطور پر کئے ہوں تو پھر ان کے ترکہ سے یہ اخراجات نہیں نکالے جائیں گے۔اس کے بعد  اگر مرحوم کے  ذمہ قرض کی ادائیگی واجب ہو یا بیوہ کے مہر کی ادائیگی ان کے ذمے باقی ہو تو ادا کریں ۔اس کے بعد مرحوم نے غیر وارث کے حق میں کوئی جائز وصیت کی ہو تو بقیہ ترکہ میں سے ایک  تہائی (1/3) مال کی حد تک اس پر عمل کریں۔ اس کے بعد جو بقیہ مال بچے اسکے کل112 حصے کرکے تمام ورثاء میں درج ذیل نقشے کے مطابق تقسیم کردیا جائے۔

نوٹ:لاپتہ بیٹی کا حصہ قابلَ اعتماد شخص کے پاس محفوظ رکھ دیا جائے۔ اگر بیٹی کا علم ہوجائے  تو اس کی امانت حوالے کردی جائے اور اگر نہ آئے اور اتنا وقت گزر جائے کہ اس کے ہم عمر تقریباً لوگ انتقال کرگئے ہوں تو پھر اس حصہ کو بھی دیگر بہن بھائیوں میں ان کے حصہ کے تناسب سے تقسیم کردیا جائے۔

                                                                                                                                                                                                                                             تقسیم کا نقشہ ذ یل میں ملاحظہ فرمائیں :

          الأحيـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــاء

نمبر شمار

 ورثاء

فی کس حصہ

فیصدی حصہ

1

بیوی

14

12.5%

2

بیٹی

7

6.25%

3

بیٹی

7

6.25%

4

بیٹی

7

6.25%

5

بیٹی

7

6.25%

6

بیٹا

14

12.5%

7

بیٹا

14

12.5%

8

بیٹا

14

12.5%

9

بیٹا

14

12.5%

10

بیٹا

14

12.5%

 

کل میزان112:

100%

 

 

 

حوالہ جات
القرآن الکريم   [النساء : ۱۱]
{ يُوصِيكُمُ اللَّهُ فِي أَوْلَادِكُمْ لِلذَّكَرِ مِثْلُ حَظِّ الْأُنْثَيَيْنِ {
الفتاوى الهندية - (6 / 667)
التركة تتعلق بها حقوق أربعة: جهاز الميت ودفنه والدين والوصية والميراث. فيبدأ أولا بجهازه وكفنه وما يحتاج إليه في دفنه بالمعروفثم بالدين ثم تنفذ وصاياه من ثلث ما يبقى بعد الكفن والدين إلا أن تجيز الورثة أكثر من الثلث ثم يقسم الباقي بين الورثة على سهام الميراث.
وفی السراجی  (۸ ط رحمانيه)                                              
وأما لبنات الصلب۔۔۔۔۔۔۔۔۔ ومع الابن للذکر مثل حظ الانثين۔
وفی الدر المختار (6/ 769  ط سعيد )
فيفرض للزوجة فصاعدا الثمن مع الولد……                                             
الدر المختار وحاشية ابن عابدين (رد المحتار) (4/ 298)
 (ولو كان مع المفقود وارث يحجب به لم يعط) الوارث (شيئا، وإن انتقض حقه) به (أعطي أقل النصيبين) ويوقف الباقي (كالحمل)

مصطفی جمال

دارالافتاءجامعۃالرشید کراچی

۳۰/۶/۱۴۴۲

 

واللہ سبحانہ وتعالی اعلم

مجیب

مصطفیٰ جمال بن جمال الدین احمد

مفتیان

آفتاب احمد صاحب / محمد حسین خلیل خیل صاحب