سوال

ایک شخص کے تین بیٹے ہیں، ان میں سے بڑے بیٹے کا انتقال ہوگیا ہے۔ سوال یہ ہے کہ اس بڑے بیٹے کے بچوں کو میراث میں حصہ ملے گا یا نہیں؟ کیونکہ جس گھر کی وراثت ہو رہی ہے، اس میں انتقال کرجانے والے بیٹے کا پیسہ لگا ہوا ہے۔

اَلجَوَابْ بِاسْمِ مُلْہِمِ الصَّوَابْ

آپ کا یہ سوال مبہم ہے، اس کا جواب مندرجہ ذیل امور کی وضاحت آنے کے بعد دیا جاسکتا ہے، اس لیے ان امور کی وضاحت لکھ کر دار الافتاء بھیج دیں۔

1. بڑے بیٹے نے گھر میں جو پیسہ لگایا ہے، وہ کس نیت سے لگایا تھا؟ والد کے ساتھ احسان کے طور پر، یا قرض کے طور پر، یا اس گھر میں اپنے پیسوں کے بقدر شراکت داری کے طور پر؟
2. سوال میں بڑے بیٹے کے بچوں کو کس کی میراث میں سے حصہ ملنے یا نہ ملنے کے بارے میں پوچھا گیا ہے؟ خود اس بیٹے کی میراث میں سے یا دادا کی میراث میں سے؟
3. دادا فوت ہوگیا ہے یا ابھی زندہ ہے؟
4. اگر دادا فوت ہوگیا ہے تو اپنے بڑے بیٹے سے پہلے فوت ہوا ہے یا اس کے بعد؟
5. بڑے بیٹے کی بیوہ زندہ ہے یا نہیں؟ اور اولاد میں کتنے بیٹے اور کتنی بیٹیاں ہیں؟

حوالہ جات

.

عبداللہ ولی غفر اللہ لہٗ

  دار الافتاء جامعۃ الرشید کراچی

16/جمادی الآخرۃ /1443ھ

واللہ سبحانہ وتعالی اعلم